वेमुला आत्महत्याप्रकरणी कारवाई करा

हैदराबाद विद्यापीठातील विद्यार्थी रोहित वेमुला याच्या आत्महत्येस जबाबदार असणाऱ्यांवर कठोर कारवाई करा, अशी

यवतमाळ : हैदराबाद विद्यापीठातील विद्यार्थी रोहित वेमुला याच्या आत्महत्येस जबाबदार असणाऱ्यांवर कठोर कारवाई करा, अशी मागणी येथील बहुजन समाज पार्टीच्या कार्यकर्त्यांनी केली. या संदर्भात जिल्हाधिकाऱ्यांना निवेदन देण्यात आले.
केंद्रीय मंत्री बंडारू दत्तात्रेय, विधान परिषद सदस्य रामचंद्र राव, हैदराबाद विद्यापीठाचे कुलगुरू अप्पाराव पांडिले आणि अभाविपचे सुशीलकुमार, कृष्णा चैतन्य यांना तत्काळ अटक करण्याची मागणी करण्यात आली आहे. सखोल चौकशी करून अ‍ॅट्रॉसिटी कायद्यानुसार गुन्हा दाखल करावा, रोहीतच्या कुटुंबाला ५० लाख रुपयांची आर्थिक मदत द्यावी व कुटुंबातील एकाला शासकीय नोकरीत सामावून घ्यावे आदी मागण्या निवेदनातून करण्यात आल्या. या संदर्भात तत्काळ निर्णय न झाल्यास तीव्र आंदोलन करण्याचा इशाराही देण्यात आला.
निवेदन देतेवेळी बहुजन समाज पार्टीचे जिल्हाध्यक्ष तारीक साहीर लोखंडवाला, दयानंद बनसोड, शेख महेबूब आलम, बळीराम नेवारे, नगरसेविका ज्योती खोब्रागडे, प्रकाश राऊत, लक्ष्मण पाटील, प्रफुल्ल शंभरकर, सुनील बोरकर, संजय तरवरे, शैलेश गाडेकर, या.वा. तलवारे, रूपेश टिपले, अ‍ॅड.प्रभाकर कांबळे, डॉ. सिद्धार्थ पाटील, विनोद सोनोने, हेमंत कांबळे, देवेंद्र गणवीर, सुनील रामटेके, विलास भवरे, सुनील वाघमारे, हरिदास सुखदेवे, गौतम रामटेके आदी पदाधिकारी व कार्यकर्ते उपस्थित होते. (स्थानिक प्रतिनिधी)