वाशिम: अंगणवाडी सेविका मदतनीस यांच्या वतीने त्यांच्या प्रलंबित मागण्यांच्या पूर्ततेसाठी गुरुवार ५ आॅक्टोबर रोजी जिल्हाधिकारी कार्यालयावर जेलभरो आंदोलन करण्यात आले. या आंदोलनात जिल्हाभरातील शेकडो अंगणवाडी सेविका व मदतनीस सहभागी झाल्या होत्या. आयटकच्या अध्यक्षा सविता इंगळे यांनी केले आहे. अंगणवाडी सेविका व मदतनीस यांनी वेळोवेळी मानधनवाढीसाठी राज्यशासनाकडे सनदशीर मागार्ने मागणी केली. परंतु त्याची दखल शासनाने घेतली नाही. म्हणून सेविका व मदतनीस यांनी जेलभरो आंदोलनाचा मार्ग अनुसरला आहे.