दोन दिवसांपासून बेपत्ता दोन युवकांचे मृतदेह विहिरीत आढळले !

रिसोड (वाशिम) - सोमवार, ५ मार्चपासून घरून निघून गेलेल्या रिसोड शहरातील दोन युवकांचे मृतदेह ७ मार्च रोजी दुपारच्या सुमारास रिठद ता.रिसोड येथील शेतशिवारातील विहिरीत आढळून आल्याने एकच खळबळ उडाली.

ठळक मुद्देइकबाल खान (२५) व शेख रेहान (२५) दोघेही रा. रिसोड अशी मृतकांची नावे आहेत.दोघेही ५ मार्च रोजी सायंकाळी ४ वाजताच्या सुमारास कुणालाही न सांगता घरून निघून गेले होते. ७ मार्च रोजी मोबाईल लोकेशनवरून ते रिठद शेतशिवारात असल्याचे समजले.

रिसोड (वाशिम) - सोमवार, ५ मार्चपासून घरून निघून गेलेल्या रिसोड शहरातील दोन युवकांचे मृतदेह ७ मार्च रोजी दुपारच्या सुमारास रिठद ता.रिसोड येथील शेतशिवारातील विहिरीत आढळून आल्याने एकच खळबळ उडाली. इकबाल खान (२५) व शेख रेहान (२५) दोघेही रा. रिसोड अशी मृतकांची नावे आहेत.

 इकबाल खान व शेख रेहान हे दोघेही ५ मार्च रोजी सायंकाळी ४ वाजताच्या सुमारास कुणालाही न सांगता घरून निघून गेले होते. रात्री उशिरापर्यंत घरी परत न आल्याने कुटुंबियांसह नातेवाईकांनी त्यांचा शोध घेण्याचा प्रयत्न केला. ६ मार्च रोजीदेखील शोधाशोध केली. इकबालचा मोबाईल सुरू असल्याने मोबाईल लोकेशनवरून त्यांचा शोध घेण्याचा प्रयत्न करण्यात आला. ७ मार्च रोजी मोबाईल लोकेशनवरून ते रिठद शेतशिवारात असल्याचे समजले. यावरून कुटुंबिय व नातेवाईकांनी रिठद शेतशिवार गाठला असता, एका विहिरीजवळ दोन मुलांचे कपडे पडलेले आहेत, अशी माहिती रिठद येथील काही जणांनी दिली. या माहितीवरून सदर विहिर गाठली असता, सदर कपडे हे इकबान खान व शेख रेहान यांचेच असल्याची ओळख पटली. मदतकार्य करणाºया एका पाणबुड्याने विहिरीत उडी मारून शोध घेण्याचा प्रयत्न केला असता, एका जणाचा मृतदेह बाहेर काढण्यात यश मिळाले. काही वेळानंतर दुसºया युवकाचाही मृतदेह बाहेर काढण्यात आला. दोन्ही युवकांचे मृतदेह पाहून कुटुंबिय व नातेवाईकांनी एकच आक्रोश केला. घटनेची माहिती मिळताच वाशिम ग्रामीण पोलिसांनी घटनास्थळ गाठून तपास सुरू केला. घटनास्थळी बघ्यांची मोठी गर्दी झाली. या घटनेमागील नेमके कारण समजू शकले नाही.