पेट्रोलचा दर ९८ रुपये प्रतिलिटरवर

...................

पुसद नाका येथे वाहतूक विस्कळित

वाशिम : अमरावती, यवतमाळ, अकोला, नांदेड येथून येणारी वाहने शहरातील पुसद नाका येथून पुढे मार्गस्थ होतात. यामुळे दिवसभरातून अनेकवेळा चौफुलीवर वाहतूक विस्कळित होऊन विशेषत: पादचाºयांना त्रास सहन करावा लागत आहे.

..............................

वीज देयक वसूलीची विशेष मोहीम

वाशिम : शहरातील घरगुती ग्राहकांकडे वीज देयकांची लाखो रुपये थकबाकी आहे. रक्कम वसूल करण्यासाठी महावितरणने विशेष मोहीम हाती घेतली असून पथक घरोघरी धडक देत असल्याचे दिसून येत आहे.

.........

कोरोना लसीकरण प्रक्रियेस गती

वाशिम : गेल्या काही दिवसांपासून ज्येष्ठ नागरिक व अतीजोखीम असलेल्या व्यक्तींचे कोरोना लसीकरण केले जात आहे. या मोहीमेस आता चांगलीच गती देण्यात आली असून नागरिकांनी लाभ घेण्याचे आवाहन आरोग्य विभागाकडून करण्यात आले.

..................

महामार्गावर वाहनांची कसून तपासणी

वाशिम : मालेगाव-वाशिम महामार्गावर अमानी महामार्ग पोलीस केंद्राच्या पथकाकडून गुरूवारी वाहनांची कसून तपासणी करण्यात आली. नियम तोडणाºयांवर यादरम्यान दंडात्मक कारवाई करण्यात आली.

................

शिरपूर येथे एकजण कोरोना बाधीत

वाशिम : मालेगाव तालुक्यातील शिरपूर जैन येथे गुरूवारी प्राप्त अहवालानुसार एका व्यक्तीचा कोरोना अहवाल पॉझिटिव्ह आला आहे. नागरिकांनी खबरदारी म्हणून सर्वतोपरी काळजी घ्यावी, असे आवाहन आरोग्य विभागाकडून करण्यात आले.

.......................

किन्हीराजात कृषिपंपांचा वीज पुरवठा खंडीत

वाशिम : किन्हीराजासह परिसरात गेल्या काही दिवसांपासून कृषिपंपांचा वीज पुरवठा खंडीत करण्याची कारवाई जोरासोरात सुरू आहे. यामुळे आर्थिक परिस्थिती जेमतेम असलेल्या शेतकºयांसमोर संकट उभे ठाकले आहे.

........................

जऊळका येथील हातपंप नादुरूस्त

वाशिम : जऊळका रेल्वे येथे दरवर्षी उन्हाळ्यात पाणीटंचाई निर्माण होते. गावात काहीठिकाणी असलेल्या हातपंपांवरून पाण्याची गरज भागविली जाते; मात्र हातपंप नादुरूस्त असल्याने नागरिकांमधून रोष व्यक्त होत आहे.