नांदेड-जम्मूतावी रेल्वे शुक्रवारपासून धावणार

गाडीसंख्या ०२७५१ व ०२७५२ नांदेड-जम्मूतावी- नांदेड ही साप्ताहिक विशेष एक्स्प्रेस सुरू करण्याचे रेल्वे बोर्डाने मान्य केले आहे. ही गाडी २९ जानेवारीपासून प्रवाशांच्या सेवेत उपलब्ध असेल. नांदेड-जम्मूतावी विशेष एक्स्प्रेस (साप्ताहिक) ही गाडी संख्या ०२७५१ हजूर साहिब नांदेड-जम्मूतावी विशेष एक्स्प्रेस २९ जानेवारीपासून दर शुक्रवारी धावणार आहे. ही गाडी हुजूर साहिब नांदेड येथून दर शुक्रवारी सकाळी ११:०५ वाजता सुटेल आणि पूर्णा, हिंगोली, वाशिम, अकोला, इटारसी, भोपाळ, न्यू दिल्ली, जालंधरमार्गे जम्मूतावी येथे दुसऱ्या दिवशी रात्री ११:०५ ला पोहोचेल. तर गाडीसंख्या ०२७५२ जम्मू-तावी–हजूर साहिब नांदेड विशेष एक्स्प्रेस (साप्ताहिक) ही गाडी ३१ जानेवारीपासून दर रविवारी धावणार आहे. ही गाडी जम्मूतावी येथून दर रविवारी सकाळी ०५:४५ वाजता सुटेल आणि जालंधर, अंबाला, न्यू दिल्ली, भोपाल, इटारसी, अकोला, वाशिम, हिंगोली, पूर्णामार्गे हजूर साहिब नांदेड येथे दुसऱ्या दिवशी दुपारी ३:५० वाजता पोहोचेल. ही गाडी पूर्ण आरक्षित असेल. या गाडीत १९ डब्बे असतील. हे सर्व डबे वातानुकूलित असून विनाआरक्षित प्रवाशांना या रेल्वेत प्रवास करता येणार नाही.