काजळेश्वर येथे आदिवासी वस्तीत साहित्य वाटप

काजळेश्वर सर्कलचे पंचायत समिती सदस्य रंगराव धुर्वे यांनी एकात्मिक आदिवासी विकास प्रकल्प अकोला यांचेकडे गरजूंना खावटी मिळावी करीता पाठपुरवठा केला . त्यानुसार काजळेश्वर येथील गरजू ८१ लाभार्थ्यांना

दोन हजार रुपयाची अत्यावश्यक

साहित्याची किट व लाभार्थ्यांच्या बँक खात्यात थेट दोन हजार रुपये पाठवून लाभ दिला . याप्रसंगी आदिवासी विभागाचे जी. एच. राठोड , एम. आर. ठाकरे , पी . डी. चित्रावार,

पी. एच . मोहेकर, पी. व्ही. वानखडे यांचेसह पं. स. सदस्य रंगराव धुर्वे , जि. प. सदस्य अशोकराव डोंगरदिवे ,

माजी ग्रा. पं. सदस्य जम्मूभाई , ज्ञानदेव तोडासे , गोलू धुर्वे इत्यादी मान्यवरांची

व्यासपीठावर उपस्थिती होती . कार्यक्रमाचे आभार प्रदर्शन वानदास धुर्वे यांनी केले . अल्पोपहार देऊन कार्यक्रमाची सांगता झाली .आदिवासी तरुणांनी कार्यक्रम यशस्वी करण्यास प्रयत्न केले .

कोट :

गोंड समाजातील गरजूंची खावटी करीता आदिवासी विभागातर्फे सर्वेक्षण केल्यानंतर

अत्यावश्यक कागदपत्रे देऊन प्रस्ताव सादर करण्यात आले होते .गरजूंना खावटी मिळावी करीता पाठपुरावा आदिवासी प्रकल्प अधिकाऱ्यांशी केला . १३१ प्रस्ताव दाखल झाले मात्र परिपूर्ण असलेले ८१ प्रस्ताव मंजूर झाले . त्यांना आदिवासी कार्यालयाकडून लाभ दिल्या गेला .

रंगराव धुर्वे,

कारंजा पंचायत समिती सदस्य, काजळेश्वर सर्कल .