गावागावात कामगारांना जॉब कार्डचे वितरण

---------

अनसिंगचे पोलीस पाटील पद रिक्तच

अनसिंग : येथील पोलीस पाटलाचे पद गत दोन वर्षांपासून रिक्त आहे. ते भरण्यासंबंधी संबंधित यंत्रणेने दुर्लक्ष केले असून, अनसिंग येथील ग्रामस्थांना विविध महत्त्वाची कागदपत्रे व दाखले मिळविण्यासाठी त्रास सहन करावा लागत आहे.

-------

वनोजा फाट्यावरील हातपंप बंद

वनोजा : येथील फाट्यावरील हातपंप गत अनेक दिवसांपासून बंद आहे. उन्हाळ्यात ये-जा करणाऱ्या वाटसरूंना हातपंपावर पिण्यासाठी पाणी मिळावे, ही बाब लक्षात घेता हा हातपंप त्वरित दुरुस्त करण्याची मागणी गावकऱ्यांकडून गुरुवारी करण्यात आली.

^^^

शेतकरी नुकसान पीक भरपाईपासून वंचित

मेडशी : गतवर्षी ऑक्टोबर, नोव्हेंबर महिन्यात अतिवृष्टीमुळे शेतकऱ्यांच्या खरीप पिकांचे मोठ्या प्रमाणात नुकसान झाले होते. यात मेडशी परिसरातील १६८६ शेतकऱ्यांना फटका बसला. तथापि, अद्यापही ४४२ शेतकरी वंचित आहेत.

---

शेतकऱ्यांची रोहयोची देयके थकीत

वाशिम : सन २०१९ मध्ये रोहयोंतर्गत विहीर बांधकाम दुरुस्ती केलेल्या ‘कुशल’ची देयके अद्याप मिळालेली नाहीत. त्यामुळे संबंधित शेतकरी हैराण झाले आहेत. प्रशासनाने दखल घेऊन रोहयोची देयके अदा करण्याची मागणी शेतकऱ्यांनी गुरुवारी केली.