Corona cases in Washim : आणखी दोन पॉझिटिव्ह; चार कोरोनामुक्त

By लोकमत न्यूज नेटवर्क | Published: August 1, 2021 06:47 PM2021-08-01T18:47:33+5:302021-08-01T18:47:42+5:30

Corona cases in Washim : २ जणांचा कोरोना चाचणी अहवाल पॉझिटिव्ह आला, तर ४ जणांनी कोरोनावर मात केली.

Corona cases in Washim: two more positive; Four corona free | Corona cases in Washim : आणखी दोन पॉझिटिव्ह; चार कोरोनामुक्त

Corona cases in Washim : आणखी दोन पॉझिटिव्ह; चार कोरोनामुक्त

Next

वाशिम : जिल्ह्यात कोरोनाचा आलेख खाली येत असून, रविवार, १ आगस्ट रोजी २ जणांचा कोरोना चाचणी अहवाल पॉझिटिव्ह आला, तर ४ जणांनी कोरोनावर मात केली. एकूण कोरोनाबाधितांचा आकडा ४१,६६२ वर पोहोचला आहे.

जिल्ह्यात कोरोना रुग्णांची संख्या कमी होत असल्याने जिल्हावासीयांना दिलासा मिळत आहे. नव्याने कोरोना रुग्ण आढळून येण्याचे प्रमाण अतिशय घटले असून, कोरोनावर मात करणाऱ्यांची संख्यादेखील वाढत असल्याचे चित्र आहे. रविवारी नव्याने २ रुग्ण आढळून आले, तर ४ रुग्णांनी कोरोनावर मात केली. रिसोड व मंगरूळपीर तालु्क्याचा अपवाद वगळता उर्वरित चार तालुक्यात एकही रुग्ण आढळून आला नाही. आतापर्यंत जिल्ह्यात ४१६६२ रुग्ण आढळून आले आहेत. यापैकी ४०९९४ रुग्णांनी कोरोनावर मात केली, तर आतापर्यंत ६३६ जणांचा मृत्यू झाला. कोरोनाची दुसरी लाट ओसरत असली तरी तिसऱ्या लाटेची शक्यता वर्तविण्यात येत असल्याने नागरिकांनी काळजी घ्यावी, असे आवाहन जिल्हा प्रशासन व आरोग्य विभागाने केले.

 
चार तालुके निरंक

शनिवारच्या अहवालानुसार मालेगाव, वाशिम, मानोरा व कारंजा तालुक्यात तसेच रिसोड, मंगरूळपीर शहरात एकही रुग्ण आढळून आला नाही. जिल्ह्यातील एकाही शहरांत कोरोना रुग्ण आढळून आले नसल्याने शहरवासीयांना दिलासा मिळाला.
 

३१ सक्रिय रुग्ण
शनिवारच्या अहवालानुसार नव्याने २ रुग्ण आढळून आले, तर ४ रुग्णांनी कोरोनावर मात केली आहे. सध्या सरकारी कोविड केअर सेंटर, कोविड हॉस्पिटल, गृहविलगीकरणात असे एकूण ३१ रुग्ण सक्रिय आहेत.

Web Title: Corona cases in Washim: two more positive; Four corona free

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.

Open in app