फळपिकाची काळजी घेण्याचे आवाहन

--------------

ग्रामस्थांना मार्गदर्शन

वाशिम : तालुक्यातील प्राथमिक आरोग्य उपकेंद्राच्यावतीने कोरोना संसर्गाच्या पृष्ठभूमीवर सोमवारी गर्भवती व स्तनदा माता व ग्रामस्थांना फिजिकल डिस्टन्सिंगने आरोग्यविषयक मार्गदर्शन करण्यात आले.

------------------------------

मजुरांच्या कामाची देयके प्रलंबित

वाशिम : सन २०१९ मध्ये रोजगार हमी योजनेंतर्गत शेकडो कामगारांना अद्याप मोबदला मिळाला नाही. शेतकऱ्यांना कुशल कामाची देयके ही अद्याप मिळालेली नाहीत. याची दखल घेण्याची मागणी होत आहे.

----------

ग्रामीण भागांत अनियमित वीजपुरवठा

वाशिम : जिल्ह्यातील काही गावांमध्ये आठवडाभरापासून विद्युत पुरवठ्यात वारंवार व्यत्यय निर्माण होत आहे. यामुळे भाजीपाला पिकांचे सिंचन प्रभावित होत असल्याने शेतकरी; तर घरातील पंखे बंद राहत असल्याने ग्रामस्थ हैराण झाले आहेत.

--------------

वाहनचालकांवर कारवाईचा धडाका

वाशिम : येथून जवळच असलेल्या पुसद-वाशिम महामार्गावर गुरुवारी जिल्हा वाहतूक पोलिसांनी वाहनांची कसून चौकशी केल्याचे दिसून आले. यात २१ वाहनांवर दंडात्मक कारवाई करण्यात आली. कागदपत्रे नसणे, नियमांचे उल्लंघन प्रकरणी ही कारवाई करण्यात आली.

--------

ग्रामीण परिसरात रस्त्यावर सांडपाणी

वाशिम: तालुक्यातील अनेक ग्रामपंचायत प्रशासनाकडून सांडपाण्याची विल्हेवाट लावण्यात होत असलेल्या दिरंगाईमुळे ग्रामस्थांच्या आरोग्याला धोका निर्माण झाला आहे, तर महावितरणकडून अनियमित वीजपुरवठा होत असल्यानेही ग्रामस्थ त्रस्त झाले आहेत.

-----------

रस्त्यावरील गटारामुळे अपघाताची भीती

वाशिम : अनसिंग-आसेगाव या रस्त्याची दयनीय अवस्था झाली आहे. रस्त्यावर जागोजागी पडलेल्या मोठमोठ्या खड्ड्यात साचलेल्या पाण्यामुळे वाहनधारकांना अडचणी येत आहेत. ही कसरत करताना नियंत्रण सुटल्यास अपघात घडण्याची भीती आहे.

-------------------