जिल्ह्यात आणखी एकाचा मृत्यू; १६६ कोरोना पाॅझिटिव्ह

गत १६ दिवसांपासून कोरोनाबाधितांच्या संख्येत वाढ होत आहे. कारंजा येथील ७३ वर्षीय रुग्णाचा उपचारादरम्यान मृत्यू झाल्याची नोंद मंगळवारी घेण्यात आली, तर आणखी १६६ जणांचा कोरोना चाचणी अहवाल पाॅझिटिव्ह आला आहे. यामध्ये वाशिम शहरातील जवाहर कॉलनी येथील १, जुनी आययुडीपी कॉलनी येथील ३, अल्लाडा प्लॉट येथील २, लाखाळा येथील १, राधाकृष्ण नगर येथील ३, नालंदा नगर येथील १, पुसद नाका परिसरातील २, गणेशनगर येथील १, एसीबी ऑफिस परिसरातील १, ब्रह्मा १, झाकलवाडी येथील १, तामसी १, वरुड १, रिसोड शहरातील ३, घोटा येथील २, मानोरा तालुक्यातील पोहरादेवी येथील १०, वसंतनगर येथील ५, मंगरूळपीर शहरातील १३, बोरवा १, मोहरी २, बेलखेड येथील १, सोनखास येथील ४, शहापूर येथील २, कोळंबी येथील १, लाठी येथील ३, शेलूबाजार येथील ३, वरुड येथील १, कासोळा येथील १, शेंदूरजना येथील २, वनोजा येथील १, कारंजा शहरातील ४५, पसरणी येथील ९, अनाई येथील १, रामनगर येथील २, कामठवाडा येथील १, उंबर्डा बाजार येथील ३, पोहा येथील ६, वाल्हई येथील २, यावर्डी येथील २, वडगाव रेंगे येथील १, कामरगाव येथील २, बेंबळा फाटा येथील १, मोऱ्हाळ येथील २, वढवी येथील १, महागाव येथील १, धनज येथील १, हिंगणवाडी येथील २, खेर्डा जिरापुरे येथील ५, सुकळी येथील १, दिघी येथील १ व्यक्ती कोरोनाबाधित असल्याचे निदान झाले आहे. जिल्ह्याबाहेरील ३ कोरोनाबाधितांची नोंद झाली आहे. तसेच २३४ जणांना डिस्चार्ज देण्यात आला आहे.

कोरोनाबाधितांचा आकडा ९,२३६ वर पोहोचला असून, यापैकी आतापर्यंत १६१ जणांचा मृत्यू झाला आहे. आतापर्यंत ७,६८५ जणांनी कोरोनावर मात केल्याने त्यांना रुग्णालयातून सुट्टी देण्यात आली. कोरोना विषाणू संसर्गाचा प्रादुर्भाव वाढत असल्याने नागरिकांनी मास्कचा वापर करणे, फिजिकल डिस्टन्सिंगचे पालन व हात वारंवार धुणे या त्रिसूत्रीचे पालन करण्याचे आवाहन आरोग्य विभाग व जिल्हा प्रशासनाने केले.

००

१३८९ जणांवर उपचार

जिल्ह्यात आतापर्यंत ९,२३६ कोरोनाबाधित रुग्ण आढळून आले आहेत. यापैकी ७,६८५ जणांनी कोरोनावर मात केली, तर सध्या जिल्हा सामान्य रुग्णालय, तालुकास्तरीय कोविड केअर सेंटर आणि खासगी कोविड हॉस्पिटल, गृहविलगीकरण येथे १३८९ रुग्णांवर उपचार सुरू आहेत.