वाशिम जिल्ह्यात ९ कोरोनामुक्त; आणखी ४ पॉझिटिव्ह!

By लोकमत न्यूज नेटवर्क | Published: July 24, 2021 06:27 PM2021-07-24T18:27:00+5:302021-07-24T18:27:09+5:30

Corona News: २४ जुलै रोजी ४ जणांचा कोरोना चाचणी अहवाल पॉझिटिव्ह आला तर ९ जणांनी कोरोनावर मात केली.

9 corona free in Washim district; 4 more positives! | वाशिम जिल्ह्यात ९ कोरोनामुक्त; आणखी ४ पॉझिटिव्ह!

वाशिम जिल्ह्यात ९ कोरोनामुक्त; आणखी ४ पॉझिटिव्ह!

Next

वाशिम : जिल्ह्यात कोरोनाचा आलेख खाली येत असून शनिवार, २४ जुलै रोजी ४ जणांचा कोरोना चाचणी अहवाल पॉझिटिव्ह आला तर ९ जणांनी कोरोनावर मात केली. एकूण कोरोनाबाधितांचा आकडा ४१,६३७ वर पोहोचला आहे.
जिल्ह्यात कोरोना रुग्णांची संख्या कमी होत असल्याने जिल्हावासीयांना दिलासा मिळत आहे. नव्याने कोरोना रुग्ण आढळून येण्याचे प्रमाण अतिशय घटले असून, कोरोनावर मात करणाऱ्यांची संख्यादेखील वाढत असल्याचे चित्र आहे. शनिवारी नव्याने ४ रुग्ण आढळून आले तर ९ रुग्णांनी कोरोनावर मात केल्याने त्यांना डिस्चार्ज देण्यात आला. रिसोड, कारंजा व मानोरा तालु्क्याचा अपवाद वगळता उर्वरीत तीन तालुक्यात एकही रुग्ण आढळून आला नाही. आतापर्यंत जिल्ह्यात ४१६३७ रुग्ण आढळून आले आहेत. यापैकी ४०९५९ रुग्णांनी कोरोनावर मात केली तर आतापर्यंंत ६२२ जणांचा मृत्यू झाला. कोरोनाची दुसरी लाट ओसरत असली तरी तिसºया लाटेची शक्यता वर्तविण्यात येत असल्याने नागरिकांनी काळजी घ्यावी, असे आवाहन जिल्हा प्रशासन व आरोग्य विभागाने केले.
 
तीन तालुके निरंक
शनिवारच्या अहवालानुसार वाशिम, मंगरूळपीर व मालेगाव तालुक्यात तसेच मानोरा व रिसोड शहरात एकही रुग्ण आढळून आला नाही. वाशिम शहरात सलग सातव्या दिवशीही रुग्ण आढळून आला नसल्याने शहरवासियांना दिलासा मिळाला.
 
५५सक्रिय रुग्ण
शनिवारच्या अहवालानुसार नव्याने ४ रुग्ण आढळून आले तर ९ रुग्णांनी कोरोनावर मात केली आहे. सध्या सरकारी कोविड केअर सेंटर, कोविड हॉस्पिटल, गृहविलगीकरणात असे एकूण ५५ रुग्ण सक्रिय आहेत.

Web Title: 9 corona free in Washim district; 4 more positives!

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.

Open in app