लोकमत न्यूज नेटवर्कमंगरूळपीर (वाशिम) : मंगरूळपीर तालुक्यातील सायखेडा ते मोतसावंगा या मार्गावर २४ हजार रुपये किंमतीच्या गुटख्यासह ३५ हजार रुपये किंमतीची दुचाकी मंगरूळपीर पोलिसांनी १५ सप्टेंबरला सायंकाळच्या सुमारास जप्त केली.१५ सप्टेंबर रोजी अरविंद सोनोने व महादेव सोळंके या पोलीस कर्मचाºयांनी सायखेडा-मोतसावंगा या मार्गावर पंचासमक्ष नाकाबंदी करून आरोपी मनीष भाऊराव गहुले (३७)रा. सायखेडा याचेकडून एम.एच. ३७ एस ३०८७ क्रमांकाच्या दुचाकीवर असलेला दोन कापडी पिशव्यामधील २३ हजार ८९५ रुपयांचा गुटखा व ३५ हजार रुपये किंमतीची दुचाकी असा एकूण ५८ हजार ८९५ रुपयांचा माल ताब्यात घेतला. पुढील कार्यवाहीसाठी अन्न व औषधी प्रशासन विभागाला माहिती देण्यात आली, असे मंगरूळपीर पोलिसांनी सांगितले. दरम्यान, अवैध गुटकाप्रकरणी कारवाई होत असतानाही, तालुका गुटक्याची सर्रास विक्री होत असल्याचे दिसून येते. अन्न व औषधी प्रशासन विभागाने कारवाईची मोहिम तिव्र करणेअपेक्षीत आहे.
मंगरूळपीर तालुक्यातून २४ हजाराचा गुटखा जप्त
By लोकमत न्यूज नेटवर्क | Published: September 16, 2018 5:59 PM