नालासोपारा : कुठल्याही नोंदणीकृत वैद्यकीय व्यवसायाची शैक्षणिक अर्हता नसतानादेखील एक एजन्सी अवैधरित्या दात्यांनी दिलेल्या शुक्राणूंची साठवणूक करून व्यापार करीत असल्याचे वसई-विरार महापालिकेच्या आरोग्य विभागाच्या पथकाला आढळून आले. याप्रकरणी दोघांवर गुन्हा दाखल करण्यात आला आहे.
विरारच्या पद्मीबाई टॉवरमधील जीवदानी सायंटिफिक कंपनी येथे अवैधरित्या शुक्राणू विक्री करीत असल्याची माहिती वैद्यकीय आरोग्य विभागाला मिळाली होती. त्यानुषंगाने आयुक्त मनोजकुमार सूर्यवंशी यांच्या मार्गदर्शनानुसार आरोग्य अधिकारी डॉ. भक्ती चौधरी यांनी त्या ठिकाणी तपासणी करण्याकरिता वैद्यकीय पथक तयार करून तपासणीचे आदेश दिले.
९ मार्च रोजी वैद्यकीय आरोग्य विभागाच्या पथकाने जीवदानी सायंटिफिक कंपनी येथे तपासणीसाठी भेट दिली असता कंपनी आणि एजन्सी मयूर भागवत संखे व कमलेश शंकर खुत यांच्या मालकीची असल्याचे दिसून आले.
परवानगी नव्हती...
शुक्राणू साठवणुकीचे ठिकाण साहाय्यक प्रजनन तंत्रज्ञान अधिनियम २०२१ अंतर्गत एआरटी बँक म्हणून नोंदणीकृत नसल्याने तसेच कायद्याप्रमाणे कुठल्याही नोंदणीकृत वैद्यकीय व्यवसायाची शैक्षणिक अर्हता नसतानादेखील ही एजन्सी अवैधरित्या शुक्राणू साठवणूक करून व्यापार करीत असल्याचे आढळून आले.
Web Summary : An agency in Virar was found illegally storing and trading sperm without proper registration or medical qualifications. Authorities raided Jeevdani Scientific Company after receiving a tip. Two individuals, Mayur Sankhe and Kamlesh Khut, are now facing charges following the Vasai-Virar Municipal Corporation's action.
Web Summary : विरार में एक एजेंसी बिना उचित पंजीकरण या चिकित्सा योग्यता के अवैध रूप से शुक्राणु का भंडारण और व्यापार करती पाई गई। सूचना मिलने पर अधिकारियों ने जीवदानी साइंटिफिक कंपनी पर छापा मारा। वसई-विरार नगर निगम की कार्रवाई के बाद अब मयूर सांखे और कमलेश खुत पर आरोप लगे हैं।