रुग्णांच्या प्रकृतीत सुधारणा

तालुक्यातील दहेगाव (मुस्तफा) येथे २१ जणांना अतीसाराची लागण झाल्यावरून त्यांना मंगळवारी उपजिल्हा रुग्णालयात दाखल करण्यात आले होते. यातील दहा रुग्णावर आर्वी उपजिल्हा रुग्णालयात

२१ जणांना अतिसाराची लागण : दहेगावात आरोग्य विभागाचे शिबिरआर्वी : तालुक्यातील दहेगाव (मुस्तफा) येथे २१ जणांना अतीसाराची लागण झाल्यावरून त्यांना मंगळवारी उपजिल्हा रुग्णालयात दाखल करण्यात आले होते. यातील दहा रुग्णावर आर्वी उपजिल्हा रुग्णालयात डॉ. नंदकिशोर कोल्हे व चमूंनी उपचार केलेत. सध्या या सर्व रुग्णांची प्रकृती धोक्याबाहेर असून यातील सात जणांना सुटी देण्यात आली आहे. आर्वी तालुक्यातील दहेगाव (मुस्तफा) येथील गावाला पाणीपुरवठा करणाऱ्या पाइप लाईनमध्ये लिकेज झाल्याने व दूषित पाणी गावकऱ्यांच्या पिण्यात गेलेल. यामुळेच गावातील छगन वाडोलकर (४५), ऋषभ कवडू रोहणकर (१२), सविता संजय देशमुख (२१), मिना दिलीप धानकुटे (३९), सुरेखा सुधीर झामरे (३४), रामकृष्ण बघाजी महाजन (७५), जयश्री निळकंठ कोरडे सर्व राहणार दहेगाव (मुस्तफा) यांना अतिसाराची लागण झाली होती. डॉक्टरांनी त्यांच्यावर तातडीने औषधोपचार केला. सध्या या सर्व रुग्णांची प्रकृती धोक्याबाहेर असून यातील सात जणांना सुटी देण्यात आली आहे. गावात इतर नागरिकांना या रोगाची लागण होवू नये म्हणून तालुक्यातील जळगाव प्राथमिक आरोग्य केंद्राच्यावतीने गावातच वैद्यकीय अधिकारी डॉ. ऋषिकेश होले व डॉ. पी. एस. गावंडे यांच्य नेतृत्वात गावकऱ्यांची तपासणी करून त्यांच्यावर उपचार सुरू आहे. डॉक्टरांच्या चमूनी गावातील इतरही रुग्णांची तपासणी केली आहे. या तपासणीत इतर किरकोळ आजाराचे रुग्ण आढळून आले असून रुग्णांची परिस्थिती नियंत्रणात असल्याची माहिती डॉक्टरांनी दिली. (तालुका प्रतिनिधी)