अयोध्येतील राम दरबारसह आठ मंदिरांत देवी-देवतांची प्राणप्रतिष्ठा; विविध देवतांचे पूजन
By ऑनलाइन लोकमत | Updated: June 6, 2025 13:26 IST2025-06-06T13:25:34+5:302025-06-06T13:26:43+5:30
२२ जानेवारी २०२४ नंतर प्रथमच महासोहळा
अयोध्येतील राम दरबारसह आठ मंदिरांत देवी-देवतांची प्राणप्रतिष्ठा; विविध देवतांचे पूजन
अयोध्या: गुरुवारी गंगा दशहराच्या मुहूर्तावर अयाध्येत उत्तर प्रदेशचे मुख्यमंत्री योगी आदित्यनाथ यांच्या उपस्थितीत आयोजित भव्य धार्मिक सोहळ्यात पहिल्या मजल्यावरील श्री राम दरबारसह आठ मंदिरांमध्ये विविध देवतांच्या मूर्तींची प्राणप्रतिष्ठा करण्यात आली. मुख्य दर्शनी भागातील शाही रूपातील ‘राजा राम’ मंदिरात प्राणप्रतिष्ठेचा मुख्य सोहळा झाला.
दक्षिणे लक्ष्मणो यस्य वामे तु जनकात्मजा।
— Shri Ram Janmbhoomi Teerth Kshetra (@ShriRamTeerth) June 5, 2025
पुरतो मारुतिर्यस्य तं वन्दे रघुनन्दनम्‌॥
जिसके दाहिने लक्ष्मण हैं, बाएँ जनकनंदिनी सीता हैं, और जिसके सम्मुख पवनपुत्र हनुमान हैं, मैं उन रघुकुलनंदन श्रीराम को नमस्कार करता हूँ।
On whose right stands Lakshmana, on whose left Sita ji, and… pic.twitter.com/Nbh5lnuKiY
वैदिक मंत्रोच्चारात झालेले हे धार्मिक अनुष्ठान मंदिरात आयोजित दुसरा प्राणप्रतिष्ठा सोहळा होता. यापूर्वी २२ जानेवारी २०२४ रोजी पंतप्रधान नरेंद्र मोदी यांच्या उपस्थितीत मुख्य रामलल्लाच्या मूर्तीस अभिषेक करून प्राणप्रतिष्ठा करण्यात आली होती.
गुरुवारी अभिजित मुहूर्तावर या मंदिरांत प्राणप्रतिष्ठा करण्यात आली. सकाळी साडेसहा वाजता विविध देवतांच्या मूर्तींचा अभिषेक यज्ञ मंडपातील पूजेसोबत सुरू झाला. राम दरबाराची प्राणप्रतिष्ठा हा एक गौरवशाली आणि ऐतिहासिक प्रसंग आहे, असे पंतप्रधान नरेंद्र मोदी यांनी म्हटले आहे.
धार्मिक गुरू व वैदिक परंपरांनुसार विधी
श्री रामजन्मभूमी तीर्थक्षेत्र ट्रस्टचे सदस्य अनिल मिश्रा यांच्यानुसार, हा समारंभ वैदिक परंपरेनुसार संपन्न झाला. या वेळी स्थानिक लोक आणि भाविकांच्या रांगा लागल्या होत्या. या पार्श्वभूमीवर सुरक्षा बंदोबस्त वाढवण्यात आला होता.
असा होता सुरक्षा बंदोबस्त
अयोध्येत चारही दिशांना त्रिस्तरीय सुरक्षा होती. विशेष प्रशिक्षित सुरक्षा कर्मचाऱ्यांसह ड्रोनभेदी तंत्रज्ञान, सीसीटीव्ही तसेच अत्यंत प्रगत देखरेख प्रणाली या वेळी ठेवण्यात आली होती.
प्राण प्रतिष्ठा समारोह के दूसरे दिन आज विभिन्न अधिवास हुए तथा उत्सव विग्रहों का परिसर भ्रमण कराया गया। आज यज्ञमंडप के अलावा प्राण प्रतिष्ठा वाले स्थानों पर भी पूजन हुआ।
— Shri Ram Janmbhoomi Teerth Kshetra (@ShriRamTeerth) June 4, 2025
उत्सव विग्रहों ने परिसर भ्रमण किया, तत्पश्चात शय्या निवास तथा प्रासाद वास्तु पूजन हुआ। बाद में यज्ञशाला में… pic.twitter.com/SCuPx8QxSU
या देवतांची प्राणप्रतिष्ठा
मुख्य मंदिर परिसरातील नियोजित जागी केंद्रस्थानी श्री राम दरबार, शेषावतार, ईशान्येला भगवान शिव, आग्नेय दिशेस श्रीगणेश, दक्षिण भागात श्री हनुमान, दक्षिण-पश्चिमेला श्री सूर्यदेव, वायव्येला देवी भगवती आणि उत्तरेला देवी अन्नपूर्णा अशा देवी-देवतांची प्राणप्रतिष्ठा करण्यात आली.