वाशिम ताज्या मराठी बातम्या | washim Online News in Marathi at Lokmat.com

- शिखरचंद बागरेचावाशिम : मागील ४२ वर्षांपासून न्यायालयीन आदेशावरून बंद असलेले जिल्ह्यातील शिरपूर जैन स्थित सुप्रसिद्ध अंतरिक्ष पार्श्वनाथ भगवंताच्या मूर्तीच्या लेप प्रक्रियेस अखेर गुरुवार २३ मार्च रोजी सुरवात झाली.शिरपूर जैन येथील अंतरिक्ष पार्श्वनाथ मंदिर उघडून लेप प्रक्रिया करण्याचे आदेश सर्वोच्च न्यायालयाने २२ फेब्रुवारी २०२३ रोजी आदेश दिले होते. त्यानंतर निवासी उपजिल्हाधिकारी शैलेश हिंगे व उपविभागीय पोलीस अधिकारी सुनीलकुमार पुजारी यांच्या उपस्थितीत पार पडलेल्या बैठकीनंतर पंन्यास प्रवर परमहंस विजयजी महाराज व ऐल्लकश्री सिद्धांतसागरजी महाराज यांनी २३ मार्च रोजी लेप प्रक्रिया सुरू होणार असल्याचे संयुक्तरित्या जाहीर केले होते. त्यानुसार श्री अंतरिक्ष पार्श्वनाथ भगवंताच्या मूर्तीच्या लेप प्रक्रियेला गुरुवारी सकाळी १० वाजता पंन्यास प्रवर श्री विमलहंस विजयजी महाराज यांनी मंत्रोच्चाराने विधिवत सुरुवात झाली. यावेळी योगसागरजी महाराज,सिद्धांतसागरजी महाराज, श्रमणहंस विजयजी महाराज तसेच अन्य मुनिश्रीसह मॅनेजिंग ट्रस्टी दिलीप शाह, डॉ.संतोष संचेती आदी उपस्थित होते. सकल जैन समाजात याबद्दल आनंद व्यक्त होत आहे. जैन समाजाची काशी म्हणून ओळख असलेल्या शिरपूर जैन येथे अंतरिक्ष पार्श्वनाथ मंदिरात जैन धर्माचे तेविसावे तीर्थंकर श्री पार्श्वनाथ भगवंताची मूर्ती असून, ही मूर्ती जमिनीपासून अधांतरी असल्यामुळे विश्वप्रसिद्ध आहे. मूर्तीची लेप प्रक्रिया पूर्ण झाल्यानंतर लवकरात लवकर सकल जैन समाजबांधवाना पूजन व दर्शनाचा लाभ मिळणार आहे. तहसीलदार रवी काळे, उपविभागीय पोलिस अधिकारी सुनीलकुमार पुजारी, परिविक्षाधीन उपविभागीय पोलिस अधिकारी अमर मोहिते, ठाणेदार सुनील वानखडे, पोलिस निरीक्षक सुधाकर आढे,सहायक पोलिस निरीक्षक जगदीश बांगर यांच्या मार्गदर्शनात सर्व प्रक्रियेवर लक्ष ठेवले जात आहे. श्रीं च्या मूर्तीचे दर्शन सुरूश्री अंतरिक्ष पार्श्वनाथ भगवंताच्या मूर्तीची लेप प्रक्रिया सुरू झाली असून भाविकांसाठी भगवंताच्या मूर्तीचे दर्शन सुरू ठेवलेले आहे.

वाशिम, मराठी बातम्याFOLLOW

Washim, Latest Marathi News

शिक्षक नेत्यांनी मुख्य कार्यकारी अधिकारी पंत यांच्याशी चर्चा केली. ...

खरीप आणि रब्बी हंगामात १ लाख ३५ हजार ९७८ शेतकऱ्यांना १५ कोटी ६० लाख ५ हजार रुपयांचे कर्जवाटपाचे उद्दिष्ट आहे. ...

यावेळी जिल्हा परिषदेच्या मुख्य कार्यकारी अधिकारी वसुमना पंत यांची प्रमुख उपस्थिती होती. ...

जिल्ह्यांमध्ये मोठ्या प्रमाणात जलसिंचन प्रकल्प उभारल्या गेले व काही प्रकल्प निर्माणाधीन आहेत. ...

वाशिम जिल्ह्यातही संकल्प सत्याग्रह आंदोलन सुरू करण्यात आले. ...

‘मार्च एन्डींग’मध्ये शासकीय-निमशासकीय कार्यालयांत वर्दळ पाहावयास मिळते. ...