जयंत पाटीलFOLLOW

NCP Jayant Patil ( Marathi News ) : भाजप नेते समरजीतसिंह घाटगे यांच्या कार्यकर्तांचा मेळावा आज पार पडला असून या मेळाव्यात राष्ट्रवादी शरदचंद्र पवार पक्षातील प्रवेशावर शिक्कामोर्तब करण्यात आलं आहे. शरद पवारांच्या राष्ट्रवादीचे प्रदेशाध्यक्ष जयंत पाटील हेदेखील या मेळाव्याला उपस्थित होते. समरजीतसिंह घाटगे यांच्या पक्षप्रवेशासाठी शरद पवार स्वत: कागलमध्ये येणार असून ३ सप्टेंबर रोजी संध्याकाळी ६ वाजता गैबी चौकात हा पक्षप्रवेश सोहळा होणार आहे.आगामी राजकीय दिशा ठरवण्यासाठी समरजीतसिंह घाटगे यांनी आपल्या कार्यकर्त्यांचा मेळावा आज आयोजित केला होता. या मेळाव्याला जयंत पाटील यांनाही निमंत्रित करण्यात आलं आणि त्यांच्या उपस्थितीतच कार्यकर्त्यांसोबत चर्चा करण्यात आली. यावेळी आपल्या भाषणातून जयंत पाटील यांनी घाटगे यांच्या कार्यकर्त्यांना पक्षप्रवेशाबाबत जाहीर विचारणा केली आणि कार्यकर्त्यांकडून सहमती येताच या सोहळ्याची तारखी जाहीर करून टाकली. "मागील १० वर्षांत प्रतिकूल परिस्थिती असताना, सत्ता नसताना तुम्ही समरजीतसिंह घाटगे यांचं नेतृत्व उभा केलं आहे. संपूर्ण श्रेय माझ्या कार्यकर्त्यांचं आहे, असं ते सांगत असतात. त्यामुळेच माझ्या कार्यकर्त्यांना विचारल्याशिवाय निर्णय घेणार नाही, असं त्यांनी सांगितलं. त्यामुळे मी आज इथं आलो आहे. माझा तुम्हाला एक प्रश्न आहे की, येणाऱ्या विधानसभा निवडणुकीत समरजीतसिंह घाटगे यांना राष्ट्रवादी शरदचंद्र पवार पक्षाच्या तुतारी या चिन्हावर उभं करण्यास तुमची परवानगी आहे का?" असा प्रश्न जयंत पाटील यांनी समरजीतसिंह घाटगेंच्या कार्यकर्त्यांना विचारला. त्यानंतर घाटगे यांच्या कार्यकर्त्यांनी मोठा जल्लोष करत सहमती दर्शवली."महाविकास आघाडीच्या नियमाप्रमाणे आता लगेच तिकिटे जाहीर करायची नाहीत, असं ठरलं असल्यामुळे त्याबाबतीत जे काही आहे ते पुढील सभेत जाहीर करू. पण लोकसभा निवडणुकीपूर्वी अकलूजच्या मोहिते पाटील कुटुंबाने भाजपची साथ सोडली आणि शरद पवारांच्या नेतृत्वात काम करायचं ठरवलं. त्यानंतर महाराष्ट्राच्या राजकारणाची दिशा बदलली. मी आत्ताच पवारसाहेबांशी बोललो आहे. त्यांनी सांगितलं आहे की, मी स्वत: समरजीतसिंह घाटगे यांचा पक्षप्रवेश करण्यासाठी ३ सप्टेंबर रोजी कागलला येणार आहे. त्यामुळे आता तुम्ही ३ तारखेच्या तयारीला लागा. उमेदवारीबाबत जे काय बोलायचंय ते त्यावेळी बोलू," असं म्हणत पाटील यांनी समरजीतसिंह घाटगे यांच्या कागलमधील उमेदवारीचे स्पष्ट संकेत दिले आहेत. पुढे बोलताना जयंत पाटील म्हणाले की, "गैबी चौकात ही सभा होईल. आता तुम्ही सगळ्यांना या सभेच्या तयारीला लागा. समरजीतसिंह घाटगेंच्या राष्ट्रवादी शरदचंद्र पवार पक्षातील प्रवेशामुळे येणाऱ्या विधानसभा निवडणुकीचं राज्यभरातीलच चित्र बदलणार आहे. कारण आम्ही लोकसभेला बघितलं की, कोल्हापुरातून शाहू महाराज छत्रपतींची उमेदवारी जाहीर झाल्यानंतर शाहू, फुले, आंबेडकरांचा विचार वाचवण्यासाठी सगळ्या महाराष्ट्रातील जनतेनं साथ दिली. तुम्ही सगळ्यांनी समरजीतसिंह घाटगे यांच्या पाठीशी आगामी निवडणुकीत आशीर्वाद उभे करा, शरद पवारसाहेबांचे आशीर्वाद आणि ताकद त्यांच्यासोबत असणार आहे," असा शब्दही यावेळी पाटील यांनी दिला आहे.

लाईव्ह न्यूज :

आता युद्ध 'पाण्याखालून'?

मोदी Vs. दीदी... कोण जिंकणार?

सूर्य आग ओकतोय....

रिक्षा, टॅक्सी अन् मराठी सक्ती

IPL 2026

CM देवेंद्र फडणवीस

डोनाल्ड ट्रम्प

लोकमत ई-पेपर

शहरं

मनोरंजन

व्हिडीओ

जयंत पाटीलFOLLOW

Read more

मुंबई : काहीजण संपर्कात, योग्यवेळी आमच्यासोबत येतील; जयंत पाटलांचा अजित पवार गटाला सूचक इशारा

पुणे : Jayant Patil : समुद्र नाही याची पुणेकरांना खंत होती म्हणूनच की काय भाजपाने पुण्यात समुद्रही आणून दाखवला

महाराष्ट्र : अजित पवारांच्या बैठकीला ५ आमदारांची दांडी; पुन्हा एकदा राजकीय भूकंप होणार?

महाराष्ट्र : किती आमदार संपर्कात?; जयंत पाटलांच्या एका वाक्याने वाढवली अजित पवारांच्या पक्षाची धाकधूक!

मुंबई : उद्धव ठाकरे पुन्हा एनडीए'मध्ये जाणार का? जयंत पाटलांनी स्पष्टच सांगितलं

महाराष्ट्र : “आमचा ८० टक्के स्ट्राइक रेट, विधानसभेला १८० जागा निवडून येतील”; जयंत पाटील यांचा दावा

मुंबई : छगन भुजबळ कोणत्या पक्षात? जयंत पाटील म्हणाले,उद्या निकालानंतर सांगतो...;

सांगली : जयंत पाटील काँग्रेस की भाजपच्या वाटेवर?, इस्लामपूर शिराळ्यात चर्चेला उधाण

सांगली : LokSabha2024: सांगलीचा ‘वाघ’ कोण? इस्लामपूर, तासगाव की कडेगावचा? उद्या फैसला