इश्कबाज मालिका ताज्या मराठी बातम्या | Ishqbaaz Serial Online News in Marathi at Lokmat.com

सिद्धी कारखानीसने माझा होशील का या मालिकेपासून तिच्या कारकिर्दीला सुरुवात केली. या मालिकेत तिने ऋतुजा सरपोतदार ही भूमिका साकारली होती. त्यानंतर ती देवयानी या मालिकेत प्रमुख भूमिकेत झळकली. या मालिकेतील तिच्या भूमिकेला प्रेक्षकांनी चांगलीच पसंती दिली होती. नुकतीच ती झी युवावरील लव्ह लग्न लोचा या मालिकेत शाल्मली या भूमिकेत प्रेक्षकांना दिसली होती. तिची ही मालिका संपल्यानंतर सिद्धी आता कोणत्या मालिकेत काम करणार याची उत्सुकता तिच्या फॅन्सना लागली होती. सिद्धी सध्या प्रेक्षकांना इश्कबाज या मालिकेत दिसत असून या मालिकेत ती महत्त्वाची भूमिका साकारत आहे. या मालिकेतील तिचा लूक हा खूपच छान आहे. या भूमिकेविषयी सिद्धी सांगते, मला हिंदीत काम करण्याची सुरुवातीपासून इच्छा होती. त्यामुळे मी हिंदीसाठी अनेक वर्षांपासून ऑडिशन देत आहे. इश्कबाज या मालिकेसाठी मी ऑडिशन दिले होते. या मालिकेत काम करण्याची मला संधी मिळाल्यामुळे मी खूपच खुश आहे. लव्ह लग्न लोचा या मालिकेतील शाल्मली ही अतिशय बबली, चुलबुली मुलगी होती. पण इश्कबाज या मालिकेतील माझी व्यक्तिरेखा ही पूर्णपणे वेगळी आहे. ही भूमिका साकारायला खूपच मजा येत आहे. मी मराठी असल्याने हिंदीत संवाद बोलणे हे माझ्यासाठी तितकेसे सोपे नाहीये. त्यामुळे सध्या यावर मी प्रचंड मेहनत घेत आहे. हिंदी बोलताना मी मराठी असल्याचे जाणवू नये याची मी चांगलीच काळजी घेत आहे. सध्या मी माझ्या घरातल्यांशी देखील हिंदीतच बोलत आहे. मी घेत असलेल्या मेहनतीचा मला फायदा देखील होत आहे. कारण माझी एंट्री होऊन काहीच दिवस झाले असले तरी प्रेक्षकांचा खूपच छान प्रतिसाद माझ्या भूमिकेला मिळत आहे. मला नेहमीच आव्हानात्मक भूमिका साकारायला आवडतात. कम्फर्ट झोन मधून बाहेर पडून काहीतरी आव्हानात्मक करण्याकडे माझा नेहमीच कल असतो. वेगवेगळ्या गोष्टी शिकायला मला आवडतात. ही मालिका अशीच माझ्या कम्फर्ट झोनला चॅलेंज करणारे असल्याने काम करताना मजा येतेय. या मालिकेत मी ऑबेरॉय कुटुंबातील तीन भावांची एकुलती एक बहीण दाखवली आहे. मालिकेतील माझे सगळेच सहकलाकार खूपच चांगले आहेत. आणि मी हिंदीत काम करत असली तरी माझ्या मातृभाषेत काम करण्याची ओढ ही कायमच असणार आहे. त्यामुळे मराठीत काम करण्यास मी नेहमीच उत्सुक आहे.

इश्कबाज मालिका, मराठी बातम्याFOLLOW

Ishqbaaz serial, Latest Marathi News

स्टार प्लसवरील प्रेक्षकांची आवडती मालिका 'इश्कबाझ'च्या कथानकाचा काळ लवकरच एका पिढीने पुढे नेला जाणार आहे. ...

स्टार प्लसवरील सर्वांची लाडकी मालिका 'इश्कबाज'मध्ये आता एका पिढीची झेप घेण्यात येणार आहे. ...

स्टार परिवार पुरस्कार २०१८ सोहळ्यात सुरभीने मोस्ट स्टायलिश सदस्य हा पुरस्कार पटकाविला. ...