गुगलFOLLOW

जळगाव - भोसरी भूखंड प्रकरणात ईडी अर्थात सक्तवसुली संचालनालयाच्या पथकाने माजी मंत्री एकनाथ खडसे यांना मुक्ताईनगर येथे जाऊन समन्स बजाविले. बुधवारी दुपारी १२ वाजेच्या सुमारास ईडीचे पथक मुक्ताई नगरातील खडसे यांच्या फार्म हाऊसवर धडकले. त्यावेळी तिथे कुणीच नसल्याने बाहेर गेटवर हे समन्स अडकविण्यात आल्याची चर्चा आहे. आता खडसेंनी ईडीच्या कारवाईबाबत बाजू मांडली आहे. तसेच, मी काय गायब नव्हतं, दोन दिवस फर्दापूरच्या रेस्ट हाऊसवर होतो, असे स्पष्टीकरणही खडसेंनी दिलं. एकनाथ खडसेंनी माजी मुख्यमंत्री देवेंद्र फडणवीस यांच्यासह जिल्ह्यातील भाजपा नेत्यांवरही प्रहार केला. तसेच, माझ्या मुलीचा पराभव करणारा गद्दार कोण हे मला राष्ट्रवादीत आल्यानंतर समजलं, असेही खडसेंनी म्हटलं. ज्या नाथाभाऊंनी भाजपमध्ये कष्ट केली, 40 वर्षे पक्ष वाढविण्यासाठी काम केलं, सायकलवरही फिरला, त्याची भाजपा झाली नाही, असे म्हणत खडसेंनी भाजपमधील काही नेत्यांवर हल्लाबोल केला. एका व्यक्तीचं ऐकूनच नाथाभाऊला वारंवार छळायचं, बदनाम करायचं काम त्या पक्षात झालं, ती व्यक्त कोण हे तुम्हाला माहिती आहे, असे एकनाथ खडसेंनी म्हटल. त्यावेळी, उपस्थित कार्यकर्त्यांनी टरबूज असे संबोधले. त्यानंतर, एकनाथ खडसेंनी मला नाही माहिती, असे म्हणत बोलायचे टाळले. पण, मला एक माहितीय असे म्हणत पुन्हा टरबूज शब्दावर भाष्य केलं. तुमच्या मोबाईलचं नेट ओपन करा, गुगलवर जावा आणि त्यावर टाका, टरबूज ऑफ महाराष्ट्र कोण?, इथून घरी गेल्यावर पहिलं काम ते करा, असे सल्लाही खडसेंनी कार्यकर्त्यां दिला. तसेच, हे मी म्हणत नाही, जगातील प्रसिद्ध कंपनी असलेल्या गुगलकडून टरबूज ऑफ महाराष्ट्रा कोण आहे? हे उत्तर येतंय, असे म्हणत खडसेंनी फडणवीस यांच्यावर नाव न घेता निशाणा साधला.ईडीच्या चौकशीबाबत खुलासाएकनाथ खडसेंना ईडीने घरपोच नोटीस बजावल्याने जिल्ह्यात अनेक चर्चा आणि अफवा पसरल्या होत्या. आता, खडसेंनी ईडीच्या कारवाईसंदर्भात आपणास जाणूनबुजून अडकविण्यात येत असल्याचा आरोप केला आहे. केवळ 2 कोटी रुपयांच्या कर्ज व्यवहारप्रकरणात माझा ईडीचा तपास होत आहे. ते कर्जही मी नियमाने फेडले आहे. विशेषत: ईडीची कारवाई हजार-बाराशे कोटी रुपयांच्या प्रकरणात होत असते, असे खडसेंनी म्हटले. माझ्या जावयाला कोणताही संबंध नसताना अटक केली. कोणत्याही परिस्थितीत नाथाभाऊला अटक करून जेलमध्ये टाकण्याचा प्रयत्न केले जात आहेत. एक टक्का जरी खरं असेल तर आपण फाशी घ्यायला तयार आहोत. गेल्या चाळीस वर्षात कोणतीही तक्रार नव्हती. अचानक बिघडायला का मी विश्वामित्र आहे? असा सवालच एकनाथ खडसेंनी विचारला. मी साधा माणूस आहे. पण, मला बदनाम करण्याचे, चोर ठरविण्याचे हे जे काही षडयंत्र सुरू आहे हे मी भारी आहे, म्हणून हे केले जात आहे, असंही खडसेंनी म्हटले. गद्दार ओळखलाराष्ट्रवादी पक्षात आल्यावर भाजपमधील गद्दार कोण होते, याची आपल्याला माहिती मिळाली. भाजपमध्ये कोण कोण गद्दार होते आणि माझ्या मुलीचा पराभव केला हे मला राष्ट्रवादी पक्षात आल्यानंतर कळल्याचं त्यांनी स्पष्टच सांगितलं. खडसेंनी मुक्ताईनगरचे आमदार चंद्रकांत पाटील यांच्यावरही टीका करत, आपण कुणाच्या कृपेने आमदार झाले याची आठवण ठेवावी. उगाच जामनेरवाल्याच्या कानातील कुरघोड्या ऐकत बसू नये, जामनेरवाल्यानेच आपल्या मागे ईडी लावली, वेगवेगळ्या चौकशा लावल्या, इन्कम टॅक्स लावल्याचा आरोप खडसेंनी केला आहे.

लाईव्ह न्यूज :

युद्धविरामावरून वाक्-युद्ध

'आप'मध्ये उभी फूट

निवडणुकीचे वारे

PM नरेंद्र मोदी

IPL 2026

भोंदू खरातचा पर्दाफाश

CM देवेंद्र फडणवीस

लोकमत ई-पेपर

शहरं

मनोरंजन

व्हिडीओ

गुगलFOLLOW

Read more

तंत्रज्ञान : Call Recording: काय सांगता! तुमचा कॉल कोणीतरी रेकॉर्ड करतंय...जाणून घ्या कसं ओळखायचं?

तंत्रज्ञान : Google Chrome ब्राऊजर आता आणखी सेफ; कडक सिक्योरिटीचा युजर्सला फायदाच फायदा होणार, जाणून घ्या कसा

तंत्रज्ञान : अलर्ट! Google वर चुकूनही 'या' गोष्टी करू नका सर्च, पडू शकतं महागात; वेळीच घ्या खबरदारी

तंत्रज्ञान : Google Maps चे डार्क मोड फीचर लाँच, आता तुमच्या फोनची बॅटरी वाचणार!

व्यापार : २४ फेब्रुवारीपासून बंद होतेय गुगलची ही खास सेवा, त्वरित बॅकअप न घेतल्यास तुमचा डेटा होणार डिलीट

छत्रपती संभाजीनगर : गुगलवर विमान कंपनीचा कस्टमर केअर शोधणे पडले लाखात

तंत्रज्ञान : Google ची Android 12 OS आणण्याची जोरदार तयारी; जाणून घ्या काय खास, कोणत्या फोनना मिळणार

राष्ट्रीय : गुगलचे CEO सुंदर पिचई यांच्याविरोधात गुन्हा दाखल, पोलीस घेताहेत शोध, हे आहे कारण

तंत्रज्ञान : Google Chrome ला खतरनाक व्हायरसचा धोका; केंद्र सरकारने जारी केले 7 फ्री टूल्स

तंत्रज्ञान : तुमच्या मोबाईलमध्ये Google Pay शोधून सापडतेय का बघा? अनइन्स्टॉल झालेय का...