गणपती उत्सव २०२५FOLLOW

मुंबई - मुंबई महानगरात शाडू मातीच्या मूर्ती घडविण्याकरिता प्रोत्साहन मिळावे, जास्तीत जास्त पर्यावरणपूरक मूर्तींची प्रतिष्ठापना व्हावी यासाठी महानगरपालिकेकडून पर्यावरणपूरक मूर्ती घडविणाऱ्या मूर्तिकारांना दरवर्षीप्रमाणे यंदाही मोफत शाडू माती पुरविण्यात आली आहे. प्रत्येक परिमंडळात १०० टनासोबत आवश्यक तेवढी शाडू माती मूर्तिकारांना विनामूल्य उपलब्ध करून देण्यात येत आहे. आतापर्यंत एकूण ९१० टन इतकी शाडू माती मोफत देण्यात आली आहे.यासोबतच पर्यावरणपूरक मूर्ती घडविणाऱ्या एकूण ९९३ मूर्तिकारांना मूर्ती घडविण्यासाठी मंडप परवानगी देण्यात आली आहे. ज्या मूर्तिकारांना आणखी शाडू माती हवी असेल, त्यांनी महानगरपालिकेच्या संकेतस्थळावर (www.mcgm.gov.in) ‘नागरिकांकरीता’ या रकान्यामध्ये ‘अर्ज करा’ या रकान्यात ‘मंडप (सार्वजनिक गणेशोत्सव/नवरात्रौत्सव/इतर उत्सव)’ या सदरामध्ये मागणी नोंदवावी, असे आवाहन महानगरपालिका प्रशासनाच्यावतीने उप आयुक्त (परिमंडळ २) तथा श्री गणेशोत्सवाचे समन्वयक श्री. प्रशांत सपकाळे यांनी केले आहे.दरम्यान, सन २०२४ मध्ये २०० पेक्षा अधिक मूर्तिकारांना मिळून ५०० टन इतकी माती मोफत देण्यात आली होती. त्यातुलनेत यावर्षी एप्रिल २०२५ पासूनच पर्यावरणपूरक मूर्ती घडविण्यासाठी मूर्तिकारांनी मोठ्या प्रमाणात शाडू मातीची मागणी केली अणि महानगरपालिकेने त्यांची मागणी पूर्ण केली आहे, हे उल्लेखनीय आहे.श्रीगणेशोत्सव सन २०२५ पर्यावरणपूरक पद्धतीने साजरा करण्यासाठी महानगरपालिकेने नियोजन व कार्यवाही देखील सुरू केली आहे. प्रशासनाकडून निरनिराळ्या सेवा-सुविधा पुरविण्यात येत आहेत. पर्यावरणपूरक उत्सवासाठी सर्व बाबींचा अवलंब केला जात आहे. यावर्षी दिनांक २५ जुलै २०२५ पर्यंत ९१० टन २३५ किलो इतकी शाडू माती मोफत वाटप करण्यात आली आहे. सर्वाधिक शाडू मातीचे वितरण हे ‘के पूर्व’ विभागात झाले असून, या विभागात ९६ टन ६१५ किलो इतकी शाडू माती वाटप झाली. त्यापाठोपाठ ‘जी उत्तर’ विभागात ९१ टन २० किलो, ‘पी उत्तर’ विभागात ८२ टन ४५५ किलो, ‘डी’ विभागात ७४ टन २०० किलो; तर ‘एफ दक्षिण’ विभागात ७२ टन ६०० किलो शाडू माती वाटप करण्यात आली. पर्यावरणपूरक मूर्ती घडविणाऱया ९९३ मूर्तिकारांना विनामूल्य मंडप जागापर्यावरणपूरक मूर्ती घडविणाऱया मूर्तिकारांसाठी महानगरपालिकेच्या उपलब्ध असलेल्या जागेनुसार ‘प्रथम अर्जदारास प्राधान्य’ या तत्वावर आवश्यक ती जागा देखील विनामूल्य उपलब्ध करून देण्यात आली आहे. पर्यावरणपूरक मूर्ती घडविणाऱ्या ९९३ मूर्तिकारांना मंडपासाठी परवानगी देण्यात आली असून त्यांना मूर्ती घडविण्यासाठी तात्पुरत्या स्वरुपात जागाही मोफत देण्यात आली आहे. यामध्ये आर दक्षिण विभागातून १३९ मूर्तिकारांना त्यापाठोपाठ के पश्चिम विभागात ९० मूर्तिकारांना तसेच पी उत्तर विभागात ७४, पी दक्षिण विभागात ७२ मूर्तिकारांना मंडपासाठी परवानगी देण्यात आली आहे.

लाईव्ह न्यूज :

महिला आरक्षण विधेयक

ट्रम्प पाकिस्तानला जाणार?

TCS मधील धर्मांतर प्रकरण

अमरावती अश्लील व्हिडीओ प्रकरण

भोंदू खरातचा पर्दाफाश

मुंबई (इंडियन्स)ला 'ट्रॅक' सापडेना

PM नरेंद्र मोदी

CM देवेंद्र फडणवीस

लोकमत ई-पेपर

शहरं

मनोरंजन

व्हिडीओ

गणपती उत्सव २०२५FOLLOW

Read more

सातारा : साताऱ्यात विसर्जन मिरवणुकीत लेझर बीम लाईट वापरणाऱ्या ८ जणांवर गुन्हा, पोलिस प्रशासनाचा दणका

सांगली : १४ फूट उंचीची दीड टन वजनाची मूर्ती; सांगलीत सांभारे गणपतीची ७२ वर्षांनंतर मिरवणूक

पुणे : Pune Ganeshotsav: ‘घातक विळख्यात तरुणाई’ रंगावलीच्या माध्यमातून महत्त्वपूर्ण संदेश

पुणे : ‘उत्सवाच्या आनंदात माझी भीती दूर...' पुण्याच्या गणेशोत्सवात 'ती' ला मिळाला मानसिक विकारातून दिलासा

पुणे : Pune Ganpati: सलग तिसऱ्या वर्षी विनामहापौर मंडळांना मानपान; श्रीफळ देण्याचा मान अधिकाऱ्यांना

पुणे : Pune Ganpati: यंदा पुण्यातील विसर्जन सोहळा रंगला ३० तास १२ मिनिटे; तब्बल ४५२ मंडळांचा मिरवणुकीत सहभाग

भंडारा : गणपती विसर्जन मिरवणुकीत भंडारा येथे इमारतीचा सज्जा खचला; ३ महिला गंभीर, ६ किरकोळ जखमी

मुंबई : वेसावे कोळीवाड्यात शिपीलमधून ७४ गणेशमूर्तींचे विसर्जन; २० तास चालला विसर्जन सोहळा

सांगली : बंदी आदेश झुगारून गणेश विसर्जन मिरवणुकीत लेसरचा मारा; सांगलीतील दहा मंडळांवर गुन्हे

सातारा : साताऱ्यात डीजेच्या दणदणाटामध्ये बाप्पांना निरोप !, मंडळांत रंगली आवाजाची स्पर्धा