Chhatrapati Sambhaji Nagar Latest News | Chhatrapati Sambhaji Nagar Today News | Chhatrapati Sambhaji Nagar Current News | Chhatrapati Sambhaji Nagar Marathi News

औरंगाबाद : तब्बल ३५० वर्षांची परंपरा असेलेले कर्णपुरा येथील देवीचे मंदिर भाविकांच्या स्वागतासाठी सजत आहे. मंदिरात रंगरंगोटी, मंडप टाकण्यास सुरुवात झाली आहे, तर दुसरीकडे मैदानावर राज्य-परराज्यांतून यात्रेचे साहित्य येण्यास आरंभ झाला आहे.कर्णपुरा यात्रेत देवीचे दर्शन व नंतर यात्रेचा आनंद लुटल्याशिवाय औरंगाबादकरांना नवरात्रोत्सव साजरा केल्यासारखे वाटतच नाही. कोरोना संसर्गाच्या संकटामुळे मागील दोन वर्षे देवीचे दर्शन व यात्रा रद्द करण्यात आली होती. मात्र, यंदा शासनाने निर्बंधमुक्त वातावरणात सण साजरे करण्याचे आदेश दिले आहेत. यामुळे २६ सप्टेंबरपासून कर्णपुरा यात्रा सुरू होईल व त्याचा आनंद भाविकांना घेता येणार आहे. यामुळे शहरवासीयांमध्ये आनंदाचे वातावरण आहे.श्रद्धास्थान असलेली कर्णपुरातील देवीचे मंदिर भाविकांच्या स्वागतासाठी सजत आहे. येथे मंदिराबाहेर कम्पाऊंड वॉल उभारण्यात आली आहे. मंदिरात विद्युत व्यवस्थेची दुरुस्ती व रंगरंगोटीच्या कामाला सुरुवात झाली आहे. मंदिरासमोर मंडप उभारण्यात आला आहे. दररोज येणारा पाऊस लक्षात घेता मंदिराच्या पाठीमागेही पत्र्याचे शेड उभारण्यात येत आहे. अशीच रंगरंगोटी येथील बालाजी मंदिरातही केली जात आहे. कर्णपुरा यात्रेला आठ दिवस शिल्लक राहिले असताना मैदानात खेळणीचे साहित्य येण्यास सुरुवात झाली आहे. यात रहाटपाळणा, ब्रेकडान्स झुलाचे सामान येऊ लागले आहे. शनिवारच्या आधी यात्रेत संपूर्ण स्टॉल उभे राहतील.

Chhatrapati Sambhaji Nagar Latest NewsFOLLOW

Chhatrapati sambhaji nagar, Latest Marathi News

न्यू बालाजीनगरमधील महिलेच्या घराचे कुलूप तोडून चोरट्यांनी १ लाख १७ हजार रुपयांची चोरी केली होती. ...

कैलास नानासाहेब पवार हे बांधकाम व्यवसायिक आहेत. त्यांच्याकडे अरुण वाघमारे हा कामाला होता. ...

चालकाच्या प्रसंगावधानामुळे मोठा अनर्थ टळला ...

खळबळजनक घटना : छत्रपती संभाजीराजे कारखान्याजवळील इब्राहिमपूर शिवारात थरार ...

रात्रीउशिरा पानटपरीजवळ थांबण्यास केला मज्जाव केल्याने आला राग ...

निर्बंधमुक्त वातावरणात लुटता येणार यात्रेचा आनंद ...