चंद्रपूर महानगरपालिका निवडणूक निकाल २०२६FOLLOW

लोकमत न्यूज नेटवर्कचंद्रपूर : चंद्रपूर महानगरपालिकेत सत्ता स्थापनेवरून उफाळलेली गटबाजी स्वतः काँग्रेसचे विधिमंडळ नेते आमदार विजय वडेट्टीवार आणि खासदार प्रतिभा धानोरकर यांनी शुक्रवारी (दि. ६) दुपारी नागपुरातील शंकरपेठ येथील विदर्भ को-ऑप. फेडरेशन येथे एकत्र येत संपुष्टात आणली. महापौरपद धानोरकरांकडे, उप महापौरपद वडेट्टीवार गटाकडे देण्याचा तोडगा निघाला आहे. राजेश अड्डूर यांना गटनेता म्हणून मान्यता देण्यात आली. यानंतर नागपूर विभागीय आयुक्त कार्यालयात काँग्रेस २७ आणि बसपा १ असा २८ नगरसेवकांचा गट नोंदणी करण्यात आला आहे. स्थायी समिती सभापतिपद सत्ता स्थापनेसाठी सोबत येणाऱ्या मित्रपक्षाला देण्याचा निर्णय झाला. महापालिकेवर काँग्रेसची सत्ता स्थापन करण्यासाठी ३४ हा बहुमताचा आकडा जुळविण्यासाठी दोन्ही नेत्यांनी पक्षश्रेष्ठींच्या सूचनेनुसार पुढाकार घेतल्याचे समजते. अडीच वर्षासाठीचा हा नेत्यांमधील एकप्रकारचा लेखी सामंजस्य करार असल्याचे दोन्ही गटातील सूत्रांनी 'लोकमत'ला सांगितले.दोन नेत्यांमधील करारात काय ?हा करार अडीच वर्षांसाठीचा असून, यानुसार, महापौरपद धानोरकर आणि उपमहापौरपद वडेट्टीवार यांच्या मर्जीतील असेल. वडेट्टीवार गटाकडून सुरुवातीला सचिन कत्याल तर धानोरकर गटाकडून सुरेंद्र अडबाले यांचे नाव होते. दोन्ही नावांऐवजी राजेश अड्डूर हे नाव पक्षाकडून आले आणि त्यावर एकमत झाल्याचे सांगण्यात आले. वास्तविक, राजेश अहूर हे सुरुवातीपासून वडेट्टीवार गटाकडे होते हे विशेष. स्थायी समितीची जबाबदारी धानोरकर गटाकडे असणार आहे.आमच्यामध्ये गटबाजी नव्हती तर काही मुद्द्यावर एकमत होत नव्हते. अखेर यावर दोघांनी मिळून पुढील अडीच वर्षांसाठीच नव्हे तर पाच वर्षांसाठी चंद्रपूर महानगरपालिकेवर काँग्रेसची सत्ता स्थापन व्हावी, या मुद्द्यावर एकमत झाले आहे. काय ठरले ही बाब लवकरच जनतेसमोर ठेवली जाणार आहे. दोन्ही नेते मिळून सत्ता स्थापन करण्यासाठी सर्वतोपरीने प्रयत्न करण्यात येणार आहे.आमदार विजय वडेट्टीवार , काँग्रेस विधिमंडळ नेते.

लाईव्ह न्यूज :

कोण होणार मुख्यमंत्री?

प. बंगालमध्ये हिंसाचार

PM नरेंद्र मोदी

युद्ध संपलं की वादळापूर्वीची शांतता?

"नराधमाला फाशी द्या"

CM देवेंद्र फडणवीस

IPL 2026

लोकमत ई-पेपर

शहरं

मनोरंजन

व्हिडीओ

चंद्रपूर महानगरपालिका निवडणूक निकाल २०२६FOLLOW

Read more

चंद्रपूर : चंद्रपूर मनपाचा महापौर निश्चित, आज दुपारपर्यंत अधिकृत घोषणा; सुधीर मुनगंटीवार यांचा दावा

चंद्रपूर : उद्धवसेनेला महापौर पदच हवे, काँग्रेस-भाजपापुढे सत्तेचा कठीण पेच, पक्षातंर्गत गटबाजी ठरतेय डोकेदुखी

चंद्रपूर : काँग्रेसमधील वाद मिटला अन् चंद्रपूरात नवा ट्विस्ट आला; भाजपाची खेळी, उद्धवसेनाचा महापौर?

चंद्रपूर : चंद्रपुरात नवे सत्ता समीकरण पुढे; भाजपचा उद्धवसेनेला सव्वा-सव्वा वर्षाचा नवा 'सत्ता'फॉर्म्युला

महाराष्ट्र : चंद्रपूरमध्ये महापौरपदाचा तिढा, उद्धवसेना भाजपासोबत जाणार का? संजय राऊत यांचं मोठं विधान, म्हणाले…

चंद्रपूर : महापौरपद प्रतिभाताईंच्या गटाला मिळणार ? गटनेतेपदावरून दोन्ही गटांमध्ये जोरदार रस्सीखेच

चंद्रपूर : महापौरपदाचा तिढा : चंद्रपूर काँग्रेसचा दरबार दिल्लीत; आजच्या बैठकीकडे लक्ष