अकोट ताज्या मराठी बातम्या | akot Online News in Marathi at Lokmat.com

अकोट : कोरोना संसर्गाची साखळी तोडण्यासाठी लागू असलेल्या लॉकडाउनची अंमलबजावणी करणाºया पोलिस कर्मचाºयांच्या कामात अडथळा आणून त्यांना शिवीगाळ करीत हातपाय तोडण्याची धमकी देणाºया अकोट शहरातील एका युवकाविरुद्ध पोलिसांनी शनिवारी गुन्हा दाखल केला. ताज शरीफ राणा (३० रा. कांगारपुरा, अकोट) असे या आरोपीचे नाव आहे. अकोट शहरात गस्तीवर असलेल्या दोन पोलिसांना काही युवकांनी शिविगाळ करून हातपाय तोडण्याची धमकी दिल्याचा व्हिडीओ सोशल व्हिडीओवर चांगलाच व्हायरल झाला आहे. अकोट शहरातील शौकत अली चौकात तैनात असलेल्या दोन पोलिस कर्मचाºयांनी लॉकडाउन असताना बाहेर फिरणाºया काही युवकांना हटकले असता, या युवकांनी थेट पोलिसांसोबत हुज्जत घातली. एवढेच नव्हे, तर पोलिसांना शिविगाळ करत हे युवक पोलिसांना पाय तोडून हातात देऊ, अशी धमकीही देत असल्याचे व्हिडीओत दिसत आहे. शौकत अली चौकाजवळच्या अमीन पुरा भागातील हा व्हिडीओ १७ मे रोजीचा असून,लॉकडाउन असताना मोठ्या संख्यने या ठिकाणी जमाव झाल्याचे व्हिडीओत दिसत आहे. या व्हिडीओची चौकशी केली असता, ताज शरीफ राणा हा एएसआय राऊत, पोकाँ. वरोठे, पोहेकाँ डामरे यांना अश्लील शिवीगाळ करून हातपाय तोडण्याची धमकी देताना दिसत आहे. १७ मे रोजी कर्मचारी हे कर्मचारी कर्तव्यावर असताना धारूळवेस भागात पेट्रोलिंग करीत होते. लॉकडाउन असल्याने त्यांनी रस्त्यावर फिरत असलेल्या काही तरुणांना घरी जाण्यास सांगितले असता आरोपीने अश्लील शिवीगाळ करून हात पाय तोडण्याची धमकी दिली. या प्रकरणी अकोट शहर पोलीस निरिक्षक संतोष महल्ले यांनी दिलेल्या फिर्यादीवरून अकोट शहर पोलीस स्टेशनला आरोपी ताज शरीफ राणाविरुध्द भादंवी २६९, २९४,५०४,५०६,१८८ कलमान्वये गुन्हा दाखल करण्यात आला आहे.

अकोट, मराठी बातम्याFOLLOW

Akot, Latest Marathi News

१२३ महापालिका कार्यक्षेत्रातील आहेत, तर उर्वरित १८६ रुग्ण ग्रामीण भागातील आहेत. ...

शुक्रवार, ११ जुलै रोजी जिल्हाभरात आणखी १० पॉझिटिव्ह रुग्ण आढळून आले. ...

सर्वपक्षीय नेत्यासोबतच प्रशासनसुद्धा या जनता कर्फ्यूकरिता रस्त्यावर उतरले होते. ...

गत ३५ वर्षांपासून पंढरपूरला विठ्ठलाच्या भेटीला जाणारी नरसिंग महाराजाची पालखी यावर्षी खंडित झाली आहे. ...

आरोपींनी ही घोरपड अकोट येथील शेतशिवारातून आणल्याचे सांगितले ...

हैदराबादजवळ अपघातात अकोटचा युवक ठार ...

येथील धरणात बुडाल्याने रुधाडी येथील आठ वर्षीय बालिकेचा मृत्यू झाल्याची घटना १० जून रोजी घडली. ...

पोलिसांना धमकी देणं महागात पडले, गुन्हा दाखल. ...