मीरा रोड : भाईंदर पश्चिमेस एका विकासकाच्या बांधकाम प्रकल्पात घर खरेदीसाठी गेलेल्या काँग्रेसच्या मराठी पदाधिकाऱ्यास शाकाहारी नसल्यामुळे फ्लॅट नाकारला. या प्रकरणाचा व्हिडीओ समोर आल्याने पुराव्याच्या अनुषंगाने राज्य सरकार व महापालिका आता तरी कारवाई करणार का? असा प्रश्न मराठी एकीकरण समितीने केला आहे.
भाईंदर पश्चिम उड्डाणपुलाखालील रेल्वे समांतर मार्गालगत श्री स्कायलाइन नावाने बांधकाम प्रकल्प सुरू आहे. तो रेरामध्ये नोंदणीकृत आहे. काँग्रेस प्रवक्ते रवींद्र बाबासाहेब खरात हे सहकारी युवक काँग्रेस जिल्हाध्यक्ष सिद्धेश राणे यांच्यासह फ्लॅट खरेदी करण्यासाठी बांधकाम प्रकल्पाच्या ठिकाणी गेले होते.
विकासकाच्या बुकिंग कार्यालयातील कर्मचाऱ्याने खरात यांच्याशी चर्चा केल्यानंतर शाकाहारी असाल तरच तुम्हाला फ्लॅट दिला जाईल, असे स्पष्टपणे सांगितले. संपूर्ण प्रकरणाचा व्हिडीओ मुख्यमंत्री, उपमुख्यमंत्री, समाजकल्याणमंत्री, महरेरा, ठाणे जिल्हाधिकारी, पोलिस आयुक्तांना पाठवून तक्रार केली आहे.
Web Summary : Mira Road: A Congress worker was allegedly denied a flat in Bhayandar for not being vegetarian. The Marathi Ekikaran Samiti questions government action after video evidence surfaced, demanding investigation by authorities. The incident occurred at the Shree Skyline construction project, raising concerns about discriminatory housing practices.
Web Summary : मीरा रोड: कांग्रेस कार्यकर्ता को भायंदर में शाकाहारी न होने पर फ्लैट से कथित तौर पर इनकार किया गया। मराठी एकीकरण समिति ने वीडियो सबूत सामने आने के बाद सरकारी कार्रवाई पर सवाल उठाया, अधिकारियों द्वारा जांच की मांग की। घटना श्री स्काईलाइन निर्माण परियोजना में हुई, जिससे भेदभावपूर्ण आवास प्रथाओं के बारे में चिंताएं बढ़ गईं।