शहरं
Join us  
Trending Stories
1
भारताची धास्ती घेत पाक लष्कराची सीमेवर मोठ्या प्रमाणात जमवाजमव; सैनिकांची संख्या वाढवली
2
भारत-पाकमध्ये पाण्यावरून युद्ध होईल? तणाव वाढला; पाकिस्तानात हाहाकार, कारण...
3
भारताकडून पाकिस्तानला पाण्याचा थेंबही मिळणार नाही; केंद्र सरकारनं आखली रणनीती
4
आजचे राशीभविष्य, २६ एप्रिल २०२५: शक्यतो आज आर्थिक देवाण-घेवाण करू नका
5
अखेर पाक म्हणाला, होय, आम्ही दहशतवाद्यांना पोसले; संरक्षणमंत्री ख्वाजा आसिफ यांची कबुली
6
एकही पाकिस्तानी भारतात राहणार नाही याची खात्री करा; शाहांचा सर्व राज्यांच्या मुख्यमंत्र्यांना फोन
7
पाकिस्तानी नागरिकांवर महाराष्ट्रात वॉच; मुख्यमंत्री देवेंद्र फडणवीसांचे पोलिसांना आदेश
8
राहुल गांधी यांना सर्वोच्च न्यायालयाने फटकारले; "स्वातंत्र्यवीर सावरकरांबद्दल..."
9
संसदेने मंजूर केलेला कायदा संवैधानिक, स्थगिती देऊ नका; केंद्र सरकारची मागणी
10
भारतात द्वेषाचा वणवा पेटवण्याचं एक षड्‌यंत्र; ‘बदला’ घेण्याची घाई नको, ‘धडा’ शिकवला पाहिजे
11
नरेंद्र मोदी यावेळी बालाकोटच्याही पुढे जाणार?; पुढच्या दोन आठवड्यांत आणखी कठोर पावले
12
हम सब एक है! अतिरेकी व त्यांच्या सूत्रधारांचा कायमस्वरूपी बंदोबस्त करण्याची मागणी
13
कृषी विकासासाठी ६५ बाजार समित्या; अद्याप राज्यातील ६८ तालुक्यांत समित्याच नाहीत
14
"आणखी किती वेळ सहन करणार..."; चिठ्ठी लिहून नवी मुंबईतील विकासकानं संपवलं आयुष्य
15
मेमध्ये जिल्हा समित्या, जूनमध्ये महामंडळे; भाजपाच्या वरिष्ठांचा कार्यकर्त्यांना शब्द
16
पहलगाम हल्ल्याचा राग काढला; लातूरची लेक ज्योती पवारने पाकिस्तानचा धुव्वा उडवला..!!
17
अमरावती: १५ वर्षीय मुलीची किडनी 'फेल', वडिलांनी लेकीसाठी केली किडनी दान; शस्त्रक्रिया यशस्वी!
18
देश दु:खात असताना सत्कार करून घ्यायला भाजप नेत्यांना लाज कशी वाटत नाही?- अतुल लोंढे
19
पहलगाम हल्ला: अमेरिकेचा मोठा निर्णय, गुप्तचर यंत्रणेने दिली गॅरंटी; भारताला खंबीर समर्थन
20
पहलगाम हल्ल्यातील संशयित खेचरवाला ताब्यात; याने विचारलेला धर्म, महिला पर्यटकाचा दावा

नवीन ठाण्याला जोडण्यासाठी खाडीवर उभारला जाणार पूल; ठामपासमोर सल्लागार नेमणुकीचा प्रस्ताव

By ऑनलाइन लोकमत | Updated: February 4, 2020 06:23 IST

तीन हजार हेक्टरचा विकास

ठाणे : ठाणे शहरापासून जवळ असलेल्या खारबाव, पायगाव, पाये, शिलोत्तर, मालोडी नागरे या महसुली गावांचा विकास नवीन ठाणे म्हणून केला जाणार आहे. भविष्यात, या ठिकाणी बिझनेस हब आणि परवडणारी घरे अशा संकल्पनेतून नवीन ठाण्याचा विकास करण्याचा ठाणे महापालिका आणि एमएमआरडीए या दोन्ही प्राधिकरणांचा मानस आहे. त्यातही, घरापासून चालण्याच्या अंतरावर काम हीसुद्धा संकल्पना आहे. त्यानुसार, तब्बल तीन हजार हेक्टर जमिनीवर नवीन ठाणे विकसित केले जाणार आहे. त्यासाठी कासारवडवली ते खारबाव असा ४०० मीटर लांबीचा उड्डाणपूल खाडीवर उभारला जाणार आहे. त्याअनुषंगाने या कामासाठी सल्लागार नेमण्याचा प्रस्ताव मंगळवारी होणाऱ्या स्थायी समितीच्या बैठकीत मंजुरीसाठी पटलावर ठेवण्यात येणार आहे.

घोडबंदरपासून अवघ्या १७ किलोमीटर अंतरावर हे नवीन ठाणे विकसित होणार आहे. मागील काही वर्षे नवीन ठाण्याच्या विकासासाठी पावले उचलण्यात आली होती. परंतु, त्याचा मुहूर्त सापडत नव्हता. आता खºया अर्थाने मागील वर्षापासून नवीन ठाण्याच्या विकासाला वेग आला आहे. त्यानुसार, खाडीपलीकडे असलेली खारबाव, पायगाव, पाये, शिलोत्तर, मालोडी नागरे या महसुली गावांचा विकास केला जाणार आहे. नवीन ठाण्याच्या विकासाच्या मार्गातील एकेक अडथळा टप्प्याटप्प्याने दूर होत आहे. त्यानुसार, गायमुख ते खारबाव हा खाडीपूल तयार करण्याच्या हालचालींना खºया अर्थाने वेग आला आहे. या पुलामुळे नवीन ठाणे अगदी ठाणे शहराजवळ येणार आहे. या पुलाचा सविस्तर अहवाल तयार करण्यासंदर्भातील प्रस्ताव फेब्रुवारी २०१९ च्या महासभेत मंजूर झाला होता. त्यामुळे सुरुवातीच्या टप्प्यात दळणवळण व्यवस्थेवर प्रामुख्याने भर दिला जाणार आहे.

एमएमआरडीए अलिबाग ते वसई-विरार असा मल्टिमोडल कॉरिडॉर उभारला जात असून तो नव्या ठाण्यातील खारबाव या गावातून जातो. हा कॉरिडॉर घोडबंदर रोड ते मोघरपाडा येथील ४० मीटर डीपी रस्त्याने जोडण्याची तरतूद एमएमआरडीएच्या विकास आराखड्यात आहे. त्यामुळे नवीन ठाणे अगदी जवळ येणार आहे. विशेष म्हणजे या नवीन ठाण्याच्या दिशेने मल्टिमोडल कॉरिडॉर जात असल्याने आजूबाजूचे सर्व नॅशनल हायवे जवळ येणार आहेत. ही एक या शहरासाठी मुख्य आणि सर्वात महत्त्वाची जमेची बाजू ठरणार आहे.

या भागात तीन हजार हेक्टरवर नवीन ठाणे वसवले जाणार आहे. त्यामध्ये प्रामुख्याने ७५ हजार परवडणारी घरे निर्माण करण्याचा पालिकेचा मानस असणार आहे. त्यानुसार, नव्या शहराची लोकसंख्या सुमारे चार लाखांच्या घरात जाणार आहे. आलिशान घरे बांधली तर कमी लोकसंख्या येथे सामावली जाणार असून इतर सोयीसुविधांवरसुद्धा ताण येण्याची भीती आहे. त्यामुळे परवडणारी घरे बांधणे, हाच महापालिकेचा मानस राहणार आहे. एमएमआरडीएने या भागात रोजगाराच्या संधी उपलब्ध करून देण्याचे निश्चित केले आहे. त्यानुसार, १६ छोटीमोठी ग्रोथ सेंटर येथे निर्माण केली जाणार आहेत.

रोजगाराच्या संधीही होणार उपलब्ध

एमएमआरडीएच्या माध्यमातून नवीन ठाण्यात रोजगाराच्या संधी उपलब्ध केल्या जाणार आहेत. येथे येणाऱ्या कामगारांच्या निवाºयाची जबाबदारी पालिका उचलणार आहे. त्यादृष्टीने दळणवळण व्यवस्था ही महत्त्वाचा भाग मानली जात आहे. त्याअनुषंगाने कासारवडवली ते खारबाव असा खाडीपूल प्रस्तावित करण्यात आला आहे. या कामासाठी सल्लागार नेमण्याचे काम पालिकेच्या माध्यमातून केले जात आहे. यासाठी ७२ लाख ६० हजारांचा खर्च अपेक्षित आहे. खाडीवर पूल बांधण्याच्या कामाचे सर्वेक्षण करणे, प्रस्ताव तयार करणे आणि पर्यावरण व इतर विभागांची आवश्यक ती परवानगी घेण्याचे पालिकेकडून नेमल्या जाणाºया सल्लागाराच्या माध्यमातून केले जाणार आहे.

टॅग्स :Thane Municipal Corporationठाणे महानगरपालिकाthaneठाणेMaharashtra Governmentमहाराष्ट्र सरकारMaharashtraमहाराष्ट्र