Badlapur Crime: मोबाईलमधील एका रेकॉर्डेड मेसेजवरून झालेल्या वादाने इतके भीषण वळण घेतले की, एका मुलाने आपल्याच जन्मदात्रीचा जीव घेण्याचा प्रयत्न केला. ठाणे जिल्ह्यातील बदलापूरमध्ये ही खळबळजनक घटना घडली असून, केवळ एक मेसेज डिलीट झाल्याच्या कारणावरून मुलाने आईचा गळा आवळून तिला संपवण्याचा प्रयत्न केल्याने परिसरात संताप व्यक्त केला जात आहे.
मिळालेल्या माहितीनुसार, ही घटना २ मार्च रोजी पहाटेच्या सुमारास बदलापूर पूर्व परिसरात घडली. ३६ वर्षीय आरोपी मिलिंद व्यापारी आणि त्याची ५६ वर्षीय आई यांच्यात मोबाईलमधील एका रेकॉर्डेड मेसेजवरून बाचाबाची सुरू झाली. आईने मोबाईलमधील एक महत्त्वाचा मेसेज डिलीट केल्याचा संशय मिलिंदला होता. या किरकोळ कारणावरून सुरू झालेला वाद इतका विकोपाला गेला की, मिलिंदचा स्वतःवरील ताबा सुटला.
बनियानने आवळला आईचा गळा
रागाच्या भरात असलेल्या मिलिंदने घरातच आईवर हल्ला चढवला. त्याने स्वतःच्या अंगातील बनियानचा वापर करून आईचा गळा आवळण्याचा प्रयत्न केला. सुदैवाने, आईने प्रतिकार केला आणि कशातरी प्रकारे ती मिलिंदच्या तावडीतून सुटली. जर वेळीच सुटका झाली नसती, तर या घटनेचा शेवट अत्यंत दुर्दैवी झाला असता. या हल्ल्यामुळे महिला प्रचंड घाबरली असून तिला जबर धक्का बसला आहे.
पोलीस कारवाई आणि आरोपीचा शोध
घटनेची माहिती मिळताच बदलापूर पूर्व पोलिसांनी तातडीने दखल घेत गुन्हा दाखल केला आहे. आरोपी मिलिंद व्यापारी याच्यावर हत्येचा प्रयत्न केल्याप्रकरणी कलम ३०७ अन्वये गुन्हा नोंदवण्यात आला आहे. घटनेनंतर आरोपी फरार झाला असून, पोलीस त्याच्या मुसक्या आवळण्यासाठी ठिकठिकाणी छापेमारी करत आहेत. केवळ एक मेसेज डिलीट झाला म्हणून स्वतःच्या आईला ठार मारण्याचा प्रयत्न करणारी ही विकृती पाहून बदलापूरकर सुन्न झाले आहेत.
Web Summary : In Badlapur, a son attempted to murder his mother after a heated argument over a deleted message on her phone. The son strangled her with his vest, but she escaped. Police have registered a case and are searching for the absconding son.
Web Summary : बदलापुर में एक बेटे ने फोन से डिलीट हुए मैसेज को लेकर हुए विवाद में अपनी माँ की हत्या करने की कोशिश की। बेटे ने बनियान से गला घोंटा, लेकिन वह बच गई। पुलिस ने मामला दर्ज कर फरार बेटे की तलाश शुरू कर दी है।