उमेश जाधव
टिटवाळा - कल्याण - मुरबाड या महामार्गावरील पाचवामैल ते वाघेरापाडादरम्यान असणाऱ्य वळणावर मारूती ब्रीझा कार एम एच ०५ एचडी १३५४ व एम एच ०४ एच एन ४८९९ या दुधाचा ट्रक यात समोरासमोर जोरदार धडक होऊन अपघात झाला. यात कांबा गावातील मोहन सुरोशे (३९) हा तरूण गंभीर जखमी झाला असून उपचारादरम्यान मृत्यू झाला आहे.
याबाबत सविस्तर वृत्त असे की, मृत मोहन हा मंगळवारी दुपारी १२ वाजता आपल्या ब्रीझा या चारचाकी वाहने मी इगतपुरी, नाशिक येथे जाऊन येतो असे सांगून घराबाहेर पडला होता. रात्री अकराच्या सुमारास तो परत घरी असताना कल्याण-मुरबाड या महामार्गावरील पाचवामैल ते वाघेरापाडादरम्यान असणाऱ्य वळणावर कल्याणहून येणारा एम एच १४ इएम ९८९६ या दुधाच्या ट्रकने मुरबाडहून येणाऱ्या मोहन सुरोशे यांच्या एम एच ०५ एचडी १३५४ या मारूती ब्रीझा कारला समोरासमोर जोरदार धडक दिली. या भीषण अपघातात मोहन याच्या डोक्याला आता पायाला व छातीला गंभीर दुखापत होऊन मोठ्या प्रमाणात रक्तस्त्राव झाला. याच वेळी एम एच ०४ एच एन ४८९९ या कारला देखील धडक दिली आहे. या अपघातात जखमी झालेल्या मोहनला कल्याण येथील ज्युपिटर रुग्णालयात उपचारार्थ दाखल केले असता उपचारादरम्यान त्याचा मृत्यू झाला. या घटने बाबत कांबा गावावर शोककळा पसरली आहे. दरम्यान दुधाच्या ट्रकचा चालक फरार झाला आहे. टिटवाळा पोलीस ठाण्यात याबाबत अपघाताचा गुन्हा दाखल करण्यात आला असून परार चालक याने बेजबाबदार व वेगाने वाहन चालवले म्हणून त्याच्यावर देखील गुन्हा दाखल करण्यात आला असून टिटवाळा पोलीस ठाण्याचे पोलीस उपनिरीक्षक बजरंग राजपूत हे अधिक तपास करत आहेत.