इन्स्टंट मेसेजिंग एप WhatsApp ने Advanced Chat Privacy नावाचं एक नवीन प्रायव्हसी फोक्स्ड फीचर आणलं आहे. हे फीचर अशा प्रकारे डिझाइन केलं आहे की ते युजर्सच्या सर्वात संवेदनशील संभाषणांचं संरक्षण करेल. आता हे फीचर ग्लोबली रोलआऊट करण्यात आलं आहे.
या नवीन फीचरअंतर्गत, नवीन सेटिंग्ज उपलब्ध असतील, ज्या पर्सनल चॅट आणि ग्रुप चॅट दोन्हीसाठी उपलब्ध असतील. अशा परिस्थितीत, जेव्हा जेव्हा युजर्सना असं वाटतं की त्यांचं कोणतंही चॅट अधिक संवेदनशील आहे, तेव्हा ते एडव्हान्स्ड चॅट प्रायव्हसीच्या मदतीने त्यांचा कंटेंट WhatsApp च्या बाहेर शेअर होण्यापासून रोखू शकतील.
WhatsApp च्या या नवीनतम अपडेटनंतर, सेटिंग्जमध्ये दिलेला पर्याय चालू केल्यानंतर, तुम्ही इतर लोकांना चॅट्स एक्सपोर्ट करण्यापासून, फोनवरील मीडिया ऑटो-डाउनलोड करण्यापासून रोखू शकता. तुम्ही इतर युजर्सना सहजपणे खात्री देऊ शकाल की चॅटमधील किंवा तुमच्या संभाषणातील कंटेंट कुठेही लीक होणार नाही.
अशी ऑन करा सेटिंग
नवीन फीचर इनेबल करण्यासाठी तुम्हाला सेटिंग्जमध्ये जाऊन ते ऑन करावं लागेल. यासाठी चॅटच्या नावावर आणि नंतर 'अ‍ॅडव्हान्स्ड चॅट प्रायव्हसी' वर टॅप करा. हे या फीचरचं पहिलं व्हर्जन आहे. येत्या काळात कंपनी या फीचरसोबत सुरक्षेशी संबंधित इतर अनेक फीचर देखील समाविष्ट केली जाऊ शकतात. ग्लोबल रोलआऊट केल्यानंतर हे फीचर काही युजर्सपर्यंत पोहोचलं आहे आणि उर्वरित युजर्सना लवकरच मिळेल.
WhatsApp मधील इतर प्रायव्हसी फीचर
WhatsApp मध्ये प्रायव्हसी लक्षात घेऊन अनेक फीचर आहेत. तुम्हाला हवं असल्यास तुम्ही तुमचं कोणतंही पर्सनल चॅट लॉक करू शकता. कोणतंही चॅट लॉक करण्यासाठी त्याच्या नावावर क्लिक करा, त्यानंतर तुम्हाला नवीन पर्याय मिळतील, जर तुम्ही खाली स्क्रोल केलेंतर तुम्हाला चॅट लॉकचा पर्याय देखील मिळेल.