तुम्ही नवीन स्मार्टफोन खरेदी करण्याचा विचार करत असाल आणि तुमचे प्राधान्य दमदार बॅटरी, वॉटरप्रूफ कोटिंग आणि उत्तम कॅमेरा याला असेल, तर सध्या बाजारात अनेक भन्नाट पर्याय उपलब्ध आहेत.
मोटोरोला जी६७ पॉवर:मोटोरोलाचा हा फोन बॅटरीच्या बाबतीत अत्यंत शक्तिशाली आहे. या फोनची मूळ किंमत १६ हजार ९९९ रुपये असली तरी, १,५०० रुपयांच्या डिस्काउंटनंतर हा फोन १५,४९९ रुपयांना उपलब्ध आहे. या फोनमध्ये ग्राहकांना ८ जीबी रॅम आणि ६.७ इंचाचा डिस्प्ले आणि तब्बल ७००० mAh ची बॅटरी मिळते. शिवाय, या फोनमध्ये ग्राहकांना ५० एमपी मुख्य कॅमेरा आणि ३२ एमपी सेल्फी कॅमेरा देण्यात आला आहे. हा फोन वॉटर आणि डस्टप्रूफ रेटिंगसह येतो.
विवो टी४एक्स:विवोचा हा फोन त्याच्या परफॉर्मन्ससाठी ओळखला जातो. या फोनची सुरुवातीची किंमत १६,९९९ रुपये इतकी आहे. ६.७२ इंचाचा डिस्प्ले आणि ६,५०० mAh बॅटरी मिळते. हा फोन मीडियाटेक डायमेन्सिटी ७३०० प्रोसेसरवर चालतो. यात ५० एमपी रिअर आणि ८ एमपी सेल्फी कॅमेरा देण्यात आला आहे. हा फोन वॉटर आणि स्प्लॅशप्रूफ आहे.
रिअलमी पी४: वेगवान चार्जिंग हवं असेल तर रिअलमीचा हा एक उत्तम पर्याय आहे. या फोनची सुरुवाती किंमत १९ हजार २४९ रुपयांपासून सुरू होते. यात ७००० mAh ची महाकाय बॅटरी मिळते, जी ८०W फास्ट चार्जिंगला सपोर्ट करते. यात मीडियाटेक डायमेन्सिटी ७४०० अल्ट्रा प्रोसेसर आहे. यात ५० एमपी रिअर आणि १६ एमपी सेल्फी कॅमेरा आहे. हा फोन पूर्णपणे वॉटरप्रूफ आहे.
सॅमसंग गॅलेक्सी ए३५ ५जी:सॅमसंगच्या ब्रँड व्हॅल्यूसह प्रिमियम डिस्प्ले शोधणाऱ्यांसाठी हा फोन खास आहे. या फोनची सुरुवातीची किंमत १९ हजार ६९९ रुपये आहे. या फोनमध्ये ग्राहकांना ६.६ इंचाचा AMOLED डिस्प्ले, ५००० mAh बॅटरी मिळते. शिवाय, यात ५० एमपी ट्रिपल कॅमेरा सेटअप देण्यात आला आहे. सेल्फी आणि व्हिडीओ कॉलिंगसाठी यात १३ एमपी सेल्फी कॅमेरा मिळतो.
रेडमी नोट १५: फोटोग्राफीची आवड असेल तर रेडमीचा हा फोन तुमच्यासाठी सर्वोत्तम ठरू शकतो, याची सुरुवाती किंमत २२ हजार ९९८ रुपये इतकी आहे. ८ जीबी रॅम, ६.७७ इंचाचा AMOLED डिस्प्लेसह येणाऱ्या या फोनमध्ये ५५२० mAh बॅटरी मिळते. कॅमेऱ्याबाबत बोलायचे झाले तर, यात १०८ मेगापिक्सेलचा मुख्य कॅमेरा मिळतो. तर, २० मेगापिक्सेलचा सेल्फी कॅमेरा देण्यात आला आहे. हा फोन वॉटरप्रूफ आहे.
Web Summary : Looking for a waterproof phone? Motorola, Vivo, Realme, Samsung, and Redmi offer great options with powerful batteries, excellent cameras, and water resistance. Prices start from ₹15,499.
Web Summary : वाटरप्रूफ फोन की तलाश है? मोटोरोला, विवो, रियलमी, सैमसंग और रेडमी शक्तिशाली बैटरी, उत्कृष्ट कैमरे और जल प्रतिरोध के साथ शानदार विकल्प प्रदान करते हैं। कीमतें ₹15,499 से शुरू।