आपल्या युजर्सना बिन्ज अनुभव अगदी निश्चिन्तपणे मिळवता यावा यासाठी आघाडीची टेलिकॉम ऑपरेटर वी ने आपल्या पोस्टपेड युजर्ससाठी सोनीलिव प्रीमियम अॅड-ऑन पॅक पर्याय आजपासून सुरु केला आहे. नवीन पोस्टपेड स्पेशल पॅकमध्ये दर महिन्याला फक्त १०० रुपयांच्या सबस्क्रिप्शन फीमध्ये ३० दिवस सोनीलिव प्रीमियम कन्टेन्ट पाहण्याची सुविधा आणि १० जीबी निःशुल्क डेटा दिला जात आहे. ही सबस्क्रिप्शन फी युजर्सच्या पोस्टपेड बिलामध्ये जोडली जाते. आता वीचे पोस्टपेड युजर्स त्यांचे आवडते सिनेमे, शो, खेळांच्या सामान्यांचे थेट प्रक्षेपण, एक्सक्लुसिव्ह कन्टेन्ट आणि इतर बऱ्याच मनोरंजनाचा आनंद मोबाईल व टीव्ही दोन्हींवर घेऊ शकतील.
सोनीलिववर वेगवेगळ्या वयोगटातील, वेगवेगळ्या आवडीनिवडी असलेल्या व्यक्तींना रुचेल असा भरगच्च आकर्षक कन्टेन्ट उपलब्ध आहे. यामध्ये युईएफए चॅम्पियन्स लीग, डब्ल्यूडब्ल्यूई, बंडेसलिगा, यूएफसी यासारख्या खेळांच्या स्पर्धांपासून स्कॅम १९९२ - द हर्षद मेहता स्टोरी, महारानी, तब्बर, रॉकेट बॉईज, गुल्लक सीझन ३ यासारखे ओरिजिनल शो, सॅल्यूट, कानेक्काने, पेट पुराण, कोण होणार करोडपती, शांतीत क्रांती आणि जेम्स सारखे क्षेत्रीय शो, द गुड डॉक्टर, फँटसी आयलंड आणि मॅगपी मर्डर्स सारखे आंतरराष्ट्रीय शो यांचा समावेश आहे.
याबरोबरीनेच ‘वी’ने आपल्या ग्राहकांसाठी ‘वी’ अॅपवर वी मुव्हीज अँड टीव्हीवर (व्हीएमटीव्ही) आकर्षक कन्टेन्टचा भरपूर मोठा, वैविध्यपूर्ण साठा उपलब्ध करवून दिला आहे. व्हीएमटीव्ही अॅपवर ४५० पेक्षा जास्त लाईव्ह टीव्ही चॅनेल्स, लाईव्ह न्यूज चॅनेल्स तसेच इतर ओटीटी अॅप्सवरील प्रीमियम कन्टेन्ट पाहता येतो.