Budget Phone: TECNO Mobile ने काही दिवसांपूर्वी Tecno SPARK 8 स्मार्टफोन भारतात लाँच केला होता. तेव्हा कंपनीनं या फोनचा 2GB रॅम व्हेरिएंट सादर केला होता. परंतु आता या फोनचा 4GB RAM आणि 64GB स्टोरेज असलेले व्हेरिएंट आला आहे. या मॉडेलची किंमत फक्त 10,999 रुपये ठेवण्यात आली आहे. लाँच ऑफर अंतगर्त कंपनी या स्मार्टफोनसोबत 799 रुपयांचे Bluetooth Earpiece आणि One-time Screen Replacement मोफत दिली जात आहे.
Tecno Spark 8 चे स्पेसिफिकेशन्स
Tecno Spark 8 एक अँड्रॉइड गो स्मार्टफोन आहे, जो अँड्रॉइड 11 गो व्हर्जनवर चालतो. ही गुगलची एक हलकी ऑपरेटिंग सिस्टम आहे, त्यामुळे या फोनमध्ये कमी रॅम देण्यात आला आहे. या फोनमध्ये कंपनीने 4GB RAM आणि 64GB स्टोरेज देण्यात आली आहे. तसेच हा टेक्नो स्मार्टफोन मीडियाटेकच्या हीलियो ए25 चिपसेटवर चालतो.
टेक्नो स्पार्क 8 मध्ये 6.5 इंचाचा एचडी+ एलसीडी डिस्प्ले देण्यात आला आहे. हा डिस्प्ले 1600 x 720 पिक्सल रिजोल्यूशन, 480nits ब्राईटनेस आणि 269ppi पिक्सल डेन्सिटीला सपोर्ट करतो. या फोनमधील ड्युअल रियर कॅमेरा सेटअपमध्ये एलईडी फ्लॅशसह 16MP चा मुख्य सेन्सर आणि एक क्यूवीजीए लेन्स देण्यात आली आहे. हा फोन 8 MP च्या फ्रंट कॅमेऱ्याला सपोर्ट करतो. पावर बॅकअपसाठी टेक्नो स्पार्क 8 स्मार्टफोनमध्ये 10वॉट फास्ट चार्जिंग सपोर्टसह 5,000एमएएचची बॅटरी देण्यात आली आहे. ही बॅटरी 65 दिवसांचा स्टँडबाय टाईम देऊ शकते, असा दावा कंपनीने केला आहे.