दमदार बॅटरी, प्रीमिअम लूक आणि बरेच काही; Tecno Pova Curve 2 5G भारतात लॉन्च, किंमतही कमी!

Tecno Pova Curve 2 5G Launched in India: स्मार्टफोन निर्माता कंपनी टेक्नोने भारतीय बाजारात आपला नवा आणि शक्तिशाली स्मार्टफोन टेक्नो पोवा कर्व्ह २ 5G अधिकृतपणे लॉन्च केला आहे.

स्मार्टफोन निर्माता कंपनी टेक्नोने भारतीय बाजारात आपला नवा आणि शक्तिशाली स्मार्टफोन टेक्नो पोवा कर्व्ह २ 5G अधिकृतपणे लॉन्च केला आहे. हा फोन गेल्या वर्षीच्या मॉडेलचा अपग्रेड असून, यात दमदार बॅटरी, कर्व्ह डिस्प्ले आणि युनिक कॅमेरा डिझाइन देण्यात आले आहेत. महत्त्वाचे म्हणजे, हा मिड-रेंज स्मार्टफोन आहे, त्यामुळे ग्राहकांना परवडणाऱ्या किंमतीत दमदार फीचर्स असलेला स्मार्टफोन खरेदी करता येणार आहे.

टेक्नो पोवा कर्व्ह २ 5G मध्ये ७८-इंचाचा कर्व्ह AMOLED डिस्प्ले, जो १४४Hz रिफ्रेश रेट आणि ४,५०० निट्स पीक ब्राइटनेसला सपोर्ट करतो. यात मीडियाटेक डायमेन्सिटी ७१०० चिपसेट देण्यात आला आहे. या फोनचे सर्वात मोठे वैशिष्ट्य म्हणजे याची ८०००mAh ची प्रचंड बॅटरी, जी ४५ वॅट यूएसबी टाइप-सी फास्ट चार्जिंगला सपोर्ट करते. या फोनच्या मागील बाजूस ५० मेगापिक्सेल+ २ मेगापिक्सेलचा मुख्य कॅमेरा मिळतो. तर, सेल्फी आणि व्हिडीएओ कॉलिंगसाठी १३ मेगापिक्सेलचा कॅमेरा मिळतो. हा फोन लेटेस्ट अँड्रॉइड १६ वर आधारित HiOS वर चालतो. धूळ आणि पाण्यापासून संरक्षणासाठी याला IP64 रेटिंग देण्यात आले आहे.

हा फोन दोन व्हेरिएंटसह लॉन्च करण्यात आला असून स्टॉर्म टायटॅनियम , मेल्टिंग सिल्वर आणि मिस्टिक पर्पल अशा तीन आकर्षक रंगांत उपलब्ध आहे. दरम्यान, ८ जीबी रॅम आणि १२८ जीबी स्टोरेज असलेल्या व्हेरिएंटची किंमत २७ हजार ९९९ रुपये आहे. तर, ८ जीबी रॅम आणि २५६ जीबी स्टोरेज असलेल्या स्मार्टफोनची किंमत २९ हजार ९९९ रुपये इतकी आहे. या फोनचा पहिला सेल २० फेब्रुवारी रोजी दुपारी १२ वाजता ई-कॉमर्स वेबसाइट फ्लिपकार्टवर होणार आहे. कंपनी फोनच्या खरेदीवर ३००० रुपयांची इंस्टंट डिस्काउंट मिळत आहे. 

टेक्नोचा हा फोन प्रामुख्याने अशा युजर्ससाठी डिझाइन केला आहे, ज्यांना लांब बॅटरी बॅकअप आणि प्रीमियम लूक हवा आहे. हाय रिफ्रेश रेटमुळे गेमिंग आणि व्हिडिओ पाहण्याचा अनुभव अधिक स्मूथ मिळतो. तसेच, लाँच ऑफरमुळे हा फोन ग्राहकांना अधिक स्वस्त दरात खरेदी करण्याची संधी आहे.