भारतातील सर्वात मोठी बॅटरी असलेला स्मार्टफोन येतोय; Tecno Pova 3 चे फीचर्स झाले लीक  

Tecno Pova 3 चे स्पेसिफिकेशन लाँच होण्याआधीच लीक झाले आहेत. यात 7000mAh बॅटरीसह भन्नाट फीचर्स मिळणार आहेत.  

Tecno नं काही दिवसांपूर्वी भारतात Tecno Pova 2 स्मार्टफोन सादर केला होता. यातील 7000mAh ची बॅटरी लक्षवेधी फिचर होतं. हा भारतातील सर्वात मोठी बॅटरी असलेल्या स्मार्टफोन्स पैकी एक होता. आता पुन्हा एकदा कंपनी एवढीच मोठी बॅटरी असलेला हँडसेट सादर करणार आहे. Tecno Pova 3 ची जोरदार तयारी सुरु आहे.  

Tecno Pova 3 मधील संभाव्य स्पेसिफिकेशन 

टिपस्टर Paras Guglani नं आगामी टेक्नो फोन Bureau of India Standards (BIS) च्या डेटाबेसमध्ये LF7 मॉडेल नंबरसह स्पॉट केला होता. त्यानुसार, हा डिवाइस Tecno Pova 3 च्या नावाने बाजारात येईल. ज्यात 1080×2460 पिक्सल रिजोल्यूशन असलेला 6.9 इंचाचा Full HD+ डिस्प्ले मिळेल. 20.5:9 आस्पेक्ट रेशियोसह यात 90Hz रिफ्रेश रेट मिळेल. Helio G88 चिपसेटच्या प्रोसेसिंग पावरसह 6GB पर्यंत RAM आणि 128GB पर्यंतची इंटरनल स्टोरेज मिळू शकते.  

फोटोग्राफीसाठी Tecno Pova 3 मध्ये ट्रिपल रियर कॅमेरा सेटअप मिळेल. यात 50MP चा मेन सेन्सर असेल. फ्रंटला ड्युअल LED फ्लॅशसह 8MP चा सेल्फी कॅमेरा मिळू शकतो. हँडसेटमध्ये 7000mAh ची बॅटरी देऊ शकते. जी 33W फास्ट चार्जिंगला सपोर्ट करेल. हा फोन Ecological Black, Silver Sea आणि Blue Sea अशा तीन कलर व्हेरिएंटसह बाजारात येऊ शकतो.  

Tecno Pova 2 स्पेसिफिकेशन्स  

Tecno Pova 2 मध्ये 6.9-इंचाचा फुल एचडी+ आयपीएस एलसीडी डिस्प्ले देण्यात आला आहे. या फोनमध्ये ऑक्टा-कोर MediaTek Helio G85 चिपसेट देण्यात आला आहे. हा फोन 6GB रॅम आणि 128GB स्टोरेजसह सादर झाला आहे. ही स्टोरेज मायक्रोएसडी कार्डने वाढवता येते. हा टेक्नो स्मार्टफोन Android 11 वर आधारित HiOS 7.6 वर चालतो.  

Tecno Pova 2 मध्ये फोटोग्राफीसाठी क्वाड रियर कॅमेरा सेटअप देण्यात आला आहे. यात 48 मेगापिक्सलचा मुख्य कॅमेरा सेन्सर, 2 मेगापिक्सलचा मॅक्रो सेन्सर, 2 मेगापिक्सलचा डेप्थ सेन्सर आणि 2 मेगापिक्सलचा AI फोटोग्राफी सेन्सर देण्यात आला आहे. हा फ्रंटला 8 मेगापिक्सलच्या सेल्फी कॅमेऱ्याला सपोर्ट करतो. टेक्नो पोवा 2 मध्ये 7,000mAh ची दमदार बॅटरी 18W फास्ट चार्ज सपोर्टसह देण्यात आली आहे.