छोटा पॅकेट, मोठी किंमत! OnePlus 13s लाँच; सर्व वनप्लस डिस्प्लेंवर आजीवन वॉरंटी देखील...

OnePlus 13s Launch, Life time warranty on Display: दरवर्षी वनप्लस टी रेंज लाँच करते, परंतू यंदा वनप्लसने एस या नावाने ही रेंज आणली आहे. या फोनमध्ये स्नॅपड्रॅगन ८ एलिट प्रोसेसर देण्यात आला आहे. 

- हेमंत बावकर

वन प्लसने १३ सिरीजमध्ये नवा फोन लाँच केला आहे. काही महिन्यांपूर्वी केलेल्या १३ आणि १३ आरच्यामध्ये या फोनची रेंज उपलब्ध करण्यात आली आहे. दरवर्षी वनप्लस टी रेंज लाँच करते, परंतू यंदा वनप्लसने एस या नावाने ही रेंज आणली आहे. या फोनमध्ये स्नॅपड्रॅगन ८ एलिट प्रोसेसर देण्यात आला आहे. 

OnePlus 13s मध्ये 12GB RAM + 256GB स्टोरेज आणि 12GB RAM + 512GB स्टोरेज देण्यात आले आहे. याची किंमत अनुक्रमे 54,999 रुपये आणि 59,999 रुपये ठेवण्यात आली आहे. ब्लॅक वेल्वेट, पिंक स्टेन आणि ग्रीन सिल्क अशा तीन रंगांमध्ये हा फोन उपलब्ध आहे. 

OnePlus 13s मध्ये 6.32-इंचाचा FHD+ LTPO 20Hz रिफ्रेश रेट असलेला डिस्प्ले देण्यात आला आहे. कॅमेराबाबत बोलायचे झाले तर पाठीमागे दोन लेंस देण्यात आल्या आहेत ज्या 50MP च्या आहेत. Sony LYT-700 वॉइड अँगल लेन्स आणि टेलीफोटो लेंस देण्यात आली आहे. तर सेल्फीसाठी 32MP चा कॅमेरा दिला आहे. 

हा फोन ८० वॉट फास्ट चार्जिंग सपोर्ट करतो. यामध्ये 5850mAh बॅटरी देण्यात आली आहे. या फोनला चार वर्षांची अँड्रॉईड अपडेट आणि ६ वर्षांची सिक्युरिटी अपडेट देण्यात येणार आहे. 

या लाँचिंगबरोबरच वनप्लसच्या नवीन टॅब-पॅड ३ ची वैशिष्ट्ये समोर आली आहेत. याची किंमत अद्याप गुलदस्त्यात ठेवण्यात आली आहे. याचबरोबर कंपनीने वनप्लस ग्राहकांच्या मनातील धाकधूक संपविली आहे. प्रत्येक वनप्लस डिस्प्लेवर आजीवन वॉरंटी दिली जाणार आहे. गेल्या काही वर्षांपासून वनप्लसचे ग्राहक डिस्प्लेमधील ग्रीन लाईनच्या समस्येमुळे बेजार झाले आहेत. यामुळे वनप्लसचे सेकंड हँड फोनही कोणी घ्यायला मागत नाहीय. घेतलेच तर किंमत पाडून मागत आहेत, यामुळे वनप्लसच्या मोबाईलची रिसेल व्हॅल्यू कमी झाली आहे.