आघाडीची स्मार्टफोन उत्पादक कंपनी Realme ने आपला नवीन C83 5G हा बजेट स्मार्टफोन भारतात अधिकृतपणे लॉन्च केला आहे. रिअलमीच्या C सिरीजमधील हा फोन तब्बल 7000mAh ची मोठी बॅटरी, मिलिटरी-ग्रेड शॉक रेसिस्टन्स आणि वॉटर रेसिस्टंट फीचर्ससह येतो. कंपनीच्या दाव्यानुसार, या सेगमेंटमधील 144Hz रिफ्रेश रेट असलेला हा सर्वात स्वस्त स्मार्टफोन असल्याचा दावा केला जात आहे.
किंमत किती
Realme C83 5G तीन स्टोरेज व्हेरिएंटमध्ये लॉन्च करण्यात आला आहे.
4GB RAM + 64GB स्टोरेज – ₹13,499
4GB RAM + 128GB स्टोरेज – ₹14,499
6GB RAM + 128GB स्टोरेज – ₹17,499
या स्मार्टफोनची पहिली सेल 7 मार्च रोजी दुपारी 12 वाजता ई-कॉमर्स प्लॅटफॉर्म Flipkart तसेच कंपनीच्या अधिकृत स्टोअरवर सुरू होणार आहे. फोन खरेदी करताना 6 महिन्यांपर्यंत नो-कॉस्ट EMI चा पर्यायही दिला जाणार आहे.
दमदार 7000mAh बॅटरी
या फोनचे सर्वात मोठे आकर्षण म्हणजे त्याची 7000mAh ची मोठी बॅटरी. यासोबत 15W USB Type-C चार्जिंग सपोर्ट मिळतो. तसेच फोनमध्ये 5W रिव्हर्स वायर्ड चार्जिंग फीचरही देण्यात आले आहे, ज्यामुळे इतर डिव्हाइस चार्ज करता येतात. हा स्मार्टफोन Flame Green आणि Flame Blue या दोन रंगांमध्ये उपलब्ध आहे.
प्रोसेसर आणि स्टोरेज
फोनमध्ये MediaTek Dimensity 6300 हा प्रोसेसर देण्यात आला आहे. यामध्ये 6GB पर्यंत RAM आणि 128GB पर्यंत इंटरनल स्टोरेज मिळते. स्टोरेज मायक्रोSD कार्डद्वारे 2TB पर्यंत वाढवता येते.
डिस्प्ले आणि डिझाइन
Realme C83 5G मध्ये 6.7 इंचाचा LCD डिस्प्ले दिला आहे, जो 144Hz रिफ्रेश रेट सपोर्ट करतो. याशिवाय फोनमध्ये वेपर चेंबर कूलिंग सिस्टम देण्यात आली आहे, ज्यामुळे फोन जास्त गरम होत नाही. फोनला मिलिटरी ग्रेड शॉक रेसिस्टन्स आणि IP64 रेटिंग देण्यात आली आहे, ज्यामुळे तो धूळ आणि पाण्याच्या हलक्या शिडकावापासून सुरक्षित राहतो.
कॅमेरा
फोनच्या मागील बाजूस 13MP AI कॅमेरा देण्यात आला आहे. तर सेल्फी आणि व्हिडिओ कॉलिंगसाठी 5MP फ्रंट कॅमेरा मिळतो. हा स्मार्टफोन Android 16 आधारित Realme UI 7.0 वर चालतो. मोठी बॅटरी, हा रिफ्रेश रेट डिस्प्ले आणि मजबूत डिझाइनमुळे Realme C83 5G हा बजेट सेगमेंटमधील एक आकर्षक पर्याय ठरू शकतो.
Web Summary : Realme launched the C83 5G with a 7000mAh battery and waterproof design. Features include a 144Hz display, MediaTek Dimensity 6300 processor, up to 6GB RAM, and a 13MP AI camera. Prices start from ₹13,499 with sales beginning on Flipkart.
Web Summary : Realme ने C83 5G को 7000mAh बैटरी और वाटरप्रूफ डिजाइन के साथ लॉन्च किया। इसमें 144Hz डिस्प्ले, मीडियाटेक डाइमेंसिटी 6300 प्रोसेसर, 6GB तक RAM और 13MP AI कैमरा है। कीमत ₹13,499 से शुरू, Flipkart पर बिक्री शुरू।