5000mAh बॅटरीसह स्वस्त आणि मस्त Realme C31 लाँच, फक्त इतकी आहे किंमत
By सिद्धेश जाधव | Published: March 31, 2022 03:41 PM2022-03-31T15:41:03+5:302022-03-31T15:41:12+5:30
Realme C31 स्मार्टफोन 5000mAh बॅटरी, 13MP कॅमेरा, 4GB रॅम, Unisoc प्रोसेसर आणि साईड फिंगरप्रिंट सेन्सरसह भारतात आला आहे.
5000mAh बॅटरीसह स्वस्त आणि मस्त Realme C31 लाँच, फक्त इतकी आहे किंमत
Next Realme नं भारतात आपला नवीन बजेट फ्रेंडली स्मार्टफोन Realme C31 लाँच केला आहे. या स्मार्टफोननं 5000mAh बॅटरी, 13MP कॅमेरा, 4GB रॅम, Unisoc प्रोसेसर आणि साईड फिंगरप्रिंट सेन्सरसह पदार्पण केलं आहे. कंपनीनं Realme C31 स्मार्टफोनमध्ये नवीन डायनॅमिक टेक्चर डिजाइनचा वापर केला आहे. हा या प्राईस रेंजमधील सर्वात पातळ फोन आहे. या स्मार्टफोनचा लाईट सिल्वर आणि डार्क ग्रीन कलर ऑप्शन बाजारात उपलब्ध होतील.
Realme C31 चे स्पेसिफिकेशन्स
रियलमी सी31 मध्ये 6.5 इंचाचा एचडी+ एलसीडी डिस्प्ले देण्यात आला आहे. हा फोन अँड्रॉइड 11 आधारित रियलमी युआय आर एडिशनवर चालतो. कंपनीनं यात ऑक्टकोर UniSoC T612 प्रोसेसरचा वापर केला आहे. सोबत 4GB पर्यंत रॅम आणि 64GB पर्यांतची इंटरनल स्टोरेज मिळते. बेसिक कनेक्टिव्हिटी फीचर्ससह यात साईड माउंटेड फिंगरप्रिंट सेन्सर देण्यात आला आहे.
फोटोग्राफीसाठी रियलमी सी31 मध्ये ट्रिपल रियर कॅमेरा सेटअप आहे. ज्यात एलईडी फ्लॅशसह 13 मेगापिक्सलचा प्रायमरी सेन्सर, 2 मेगापिक्सलची मॅक्रो लेन्स आणि 2 मेगापिक्सलची ब्लॅक अँड व्हाईट लेन्स आहे. सेल्फी आणि व्हिडीओ कॉलिंगसाठी या स्मार्टफोनमध्ये 5 मेगापिक्सलचा फ्रंट कॅमेरा आहे. तसेच पावर बॅकअपसाठी रियलमी सी31 स्मार्टफोनमध्ये 10वॉट फास्ट चार्जिगसह 5,000एमएएचची बॅटरी देण्यात आली आहे.
Realme C31 ची किंमत
Realme C31 स्मार्टफोनचे दोन रॅम आणि स्टोरेज मॉडेल सादर करण्यात आले आहेत. या स्मार्टफोनचा 3GB रॅम आणि 32GB स्टोरेज असलेला मॉडेल 8,999 रुपयांमध्ये विकत घेता येईल. तर 4GB रॅम आणि 64GB स्टोरेज मॉडेलची किंमत 9,999 रुपये आहे. Realme C31 भारतात 7 एप्रिलपासून विक्रीसाठी उपलब्ध होईल.