रियलमीची कमाल! Dimensity 810 प्रोसेसरसह जगातील पहिला स्मार्टफोन Realme 8S 5G भारतात सादर 

Realme 8S 5G Price: Realme 8S 5G स्मार्टफोन दोन रॅम व्हेरिएंटसह भारतात सादर करण्यात आला आहे. या फोनचा 6GB RAM व 128GB स्टोरेज व्हेरिएंट 17,999 रुपयांमध्ये सादर झाला आहे.

ठळक मुद्देRealme 8S 5G स्मार्टफोन दोन रॅम व्हेरिएंटसह भारतात सादर करण्यात आला आहे.Realme 8S 5G जगातील पहिला MediaTek Dimensity 810 SoC असलेला फोन आहे.

रियलमीने आज भारतात एक-दोन नव्हे तर चार डिवाइस सादर केले आहेत. यात Realme 8i, Realme 8s 5G आणि Realme Pad सह रियलमी पोर्टेबल ब्लूटूथ स्पिकरचा समावेश आहे. या लेखात आपण जगातील सर्वात पहिल्या MediaTek Dimensity 810 SoC सह येणाऱ्या स्मार्टफोनची माहिती घेणार पाहतो. या प्रोसेसरसह कंपनीने Realme 8S 5G स्मार्टफोन सादर केला आहे.  

Realme 8S 5G चे स्पेसिफिकेशन्स  

Realme 8S 5G जगातील पहिला MediaTek Dimensity 810 SoC असलेला फोन आहे. प्रोसेसरसह कंपनीने ग्राफिक्ससाठी Mali-G57 MC2 जीपीयू दिला आहे. तसेच हा फोन 8GB पर्यंतच्या LPDDR4x RAM आणि 128GB UFS 2.2 स्टोरेजला सपोर्ट करतो. कंपनीने या फोनमध्ये 5GB अतिरिक्त व्हर्च्युअल रॅम देखील दिला आहे. कनेक्टिव्हिटीसाठी या फोनमध्ये 2.4GHz/5.1GHz/5.8GHz WiFi, 802.11 a/b/g/n/ac आणि Bluetooth 5.1 असे ऑप्शन्स मिळतात.  

Realme 8S 5G मध्ये 6.5-इंचाचा फुलएचडी+ डिस्प्ले मिळतो. हा पांडा ग्लासच्या सुरक्षेसह येणारा हा डिस्प्ले 90Hz रिफ्रेश रेटला सपोर्ट करतो. फोटोग्राफीसाठी या फोनमध्ये क्वाड रियर कॅमेरा सेटअप देण्यात आला आहे. ज्यात 64 मेगापिक्सलचा अल्ट्रा HD मेन कॅमेरा, 2 मेगापिक्सलची B&W पोर्टेट लेन्स आणि 2 मेगापिक्सलची 4cm मॅक्रो लेन्स देण्यात आली आहे. हा 16 मेगापिक्सलच्या फ्रंट कॅमेऱ्याला सपोर्ट करतो. Realme 8s 5G मध्ये पावर बॅकअपसाठी कंपनीने 5000mAh ची बॅटरी 33 वॉट डार्ट फास्ट चार्जिंग सपोर्टसह देण्यात आली आहे.  

Realme 8S 5G ची किंमत 

Realme 8S 5G स्मार्टफोन दोन रॅम व्हेरिएंटसह भारतात सादर करण्यात आला आहे. या फोनचा 6GB RAM व 128GB स्टोरेज व्हेरिएंट 17,999 रुपयांमध्ये सादर झाला आहे. तर 8GB RAM आणि 128GB स्टोरेज व्हेरिएंटची किंमत 19,999 रुपये आहे. हा फोन Universe Blue आणि Universe Purple कलरमध्ये ई-कॉमर्स साइट फ्लिपकार्टवर 13 सप्टेंबरपासून उपलब्ध होईल.