Latest Tech News | Tech Marathi News | Latest Tech News in Marathi | तंत्रज्ञान: ताज्या मराठी बातम्या

सबस्क्रीप्शनवर टीव्ही फ्रीमध्ये वाटणारी कंपनी Streambox Media ने ग्राहकांना फसविले आहे. डोर टीव्ही (Dor TV) घेणाऱ्या ग्राहकांसाठी ही महत्वाची आणि तेवढीच धक्कादायक बातमी आहे. कंपनीने डोर सेवा बंद केल्याचे जाहीर केले आहे. स्ट्रीमबॉक्स मीडियाच्या वेबसाइटवर "सार्वजनिक घोषणा: डीओआर सेवा बंद केली" असा संदेश दाखविण्यात येत आहे. 8 महिन्यांपूर्वी या कंपनीने सबस्क्रिप्शन-आधारित स्मार्ट टीव्ही विकण्यास सुरुवात केली होती. वर्षभराच्या सबस्क्रीप्शनचे पैसे मासिक किवा वार्षिक प्लॅनमध्ये ही कंपनी घेत होती, या ग्राहकांना ती टीव्ही देत होती. यासाठी वेगळे पैसे मोजावे लागत नव्हते. परंतू, आता ज्यांनी हे स्बस्क्रीप्शन घेतले आहे, त्यांचे वांदे झाले आहेत. कारण टीव्ही तसाच पडून राहणार आहे. शिवाय हे सबस्क्रीप्शन अन्य कोणत्याही टीव्ही किंवा मोबाईलवरही चालणार नाहीय. झेरोधाचे सह-संस्थापक निखिल कामथ, स्ट्राइड व्हेंचर्स आणि मायक्रोमॅक्स इन्फॉर्मेटिक्स यांच्या सहकार्याने स्ट्रीमबॉक्स मीडियाने डोर टीव्ही लाँच केला होता. ज्यांनी कोणी हे टीव्ही घेतलेत त्यांची आता अडचण झाली आहे. कंपनीने आता अचानक सेवा बंद केली असून ग्राहकांनी काय करावे किंवा त्यांना पैसे परत मिळणार की नाहीत याबाबत काहीच माहिती उपलब्ध झालेली नाहीय. या सब्रस्क्रिप्शनमध्ये २४ पेक्षा जास्त ओटीटी दाखविले जाणार होते. ४३ इंच, ५५ इंच आणि ६५ इंचाच्या टीव्ही पर्याय उपलब्ध करण्यात येणार होते. त्यापैकी सध्या केवळ ४३ इंचाचा टीव्हीच उपलब्ध होता. टीव्ही आणि कंटेंट सबस्क्रिप्शनची किंमत १०,७९९ रुपये होती. यामुळे ग्राहकांना दर महिन्यासाठी ७९९ रुपये खर्च करावे लागणार होते. परंतू, ही संपूर्ण वर्षाची रक्कम आगाऊ द्यावी लागल्याने आता हे ग्राहक अडचणीत आले आहेत.

Tech (Marathi News)

Swiggy 99 Store: ग्राहकांना कमी किमतीत फूल जेवण देण्यासाठी कंपनीने ही सुविधा सुरू केली आहे. ...

Apple च्या iPhone प्रमाणे Macbook ची पण खूप क्रेझ आहे. ...

Motorola Razr 50 ultra: नवीन फोन घेण्याचा विचार करताय? मग ही संधी गमावू नका. ...