Motorola ची आगामी Edge 20 सीरिज लवकरच बाजारात दाखल होऊ शकते. यापूर्वी या सीरिजची बरीचशी माहिती लीकमधून समोर आली आहे. आता एज 20 सीरीजचे स्मार्टफोन TENAA वर लिस्ट झाले आहेत. TENNA लिस्टिंगमधून मोटोरोलाच्या मॉडेल नंबर XT2143-1 आणि XT2153-1 अश्या दोन स्मार्टफोन्सचे काही स्पेसिफिकेशन्स समोर आले आहेत. या स्मार्टफोन्सची नावे क्रमशः Moto Edge 20 (Berlin 2021) आणि Motorola Edge 20 Pro (Pstar) अशी असू शकतात.
Moto Edge 20 (XT2143-1) चे लीक स्पेसिफिकेशन्स
TENAA लिस्टिंगवरून समजले आहे कि मोटोरोलाच्या आगामी Edge 20 स्मार्टफोनमध्ये 6.67-इंचाचा फुल एचडी+ ओएलईडी डिस्प्ले दिला जाऊ शकतो, ज्याचे रिजोल्यूशन 2400×1080 पिक्सल असेल. या स्मार्टफोनमध्ये ऑक्टा-कोर प्रोसेसर 2.4GHz फ्रीक्वेंसीसह देण्यात येईल. मोटोरोलाचा हा फोन 6GB, 8GB, आणि 12GB अश्या तीन रॅम ऑप्शन्ससह सादर केला जाईल. Android 11 आधारित या स्मार्टफोनमध्ये 3760mAh ची बॅटरी देण्यात येईल. लीक रिपोर्ट्सनुसार Moto Edge 20 मध्ये Qualcomm Snapdragon 778G प्रोसेसर आणि 108MP ट्रिपल रियर कॅमेरा सेटअप देण्यात येईल.
Moto Edge 20 Pro (XT2153-1)चे लीक स्पेसिफिकेशन्स
Moto Edge 20 Pro स्मार्टफोनमध्ये 6.67-इंचाचा फुल एचडी+ ओएलईडी डिस्प्ले देण्यात येईल. या डिस्प्लेचे रिजोल्यूशन 2400×1080 पिक्सल असेल. TENAA लिस्टिंगमध्ये यातील 3.2GHz ऑक्टा-कोर प्रोसेसरची माहिती मिळाली आहे. हा Android 11 स्मार्टफोन 6GB, 8GB, आणि 12GB रॅम अश्या तीन व्हेरिएंटमध्ये उपलब्ध होऊ शकतो. Edge 20 Pro च्या 3C लिस्टिंगनुसार हा फोन 4230mAh बॅटरी आणि 33W फास्ट चार्जला सपोर्ट करू शकतो. यापूर्वी आलेल्या लीक रिपोर्ट्सनुसार हा फोन Qualcomm Snapdragon 870 SoC, आणि ट्रिपल रियर कॅमेरा सेटअपसह सादर केला जाऊ शकतो.