कालच Nokia ने भारतात आपला नवीन लो बजेट स्मार्टफोन Nokia C20 Plus लाँच केला आहे. हा स्मार्टफोन अँड्रॉइड गो एडिशनसह लाँच केला गेला असून याची किंमत 8,999 रुपयांपासून सुरु होते. हा फोन सिंगल चार्जमध्ये दोन दिवसांचा बॅटरी बॅकअप देतो, असे कंपनीचे म्हणणे आहे. Nokia C20 Plus सादर करताना नोकियाने आपला पहिला 5G स्मार्टफोन Nokia XR20 देखील टीज केला आहे. आता हा मोबाईल फोन नोकिया इंडियाच्या अधिकृत वेबसाइटवर लिस्ट करण्यात आला आहे आणि येत्या काही दिवसांत हा फोन खरेदीसाठी उपलब्ध होईल.
Nokia XR20 5G ची वैशिष्ट्ये
Nokia XR20 5G एक मिल्ट्री ग्रेड रगेड स्मार्टफोन आहे. हा उंचावरून पडून देखील सुरक्षित राहू शकतो. यात IP68 वॉटर अँड डस्ट रेजिस्टन्ससह स्क्रॅच रेजिस्टन्स, ड्रॉप रेजिस्टन्स आणि टेम्परेचर रेजिस्टन्स देण्यात आला आहे. यामुळे या स्मार्टफोनला कोणतेही बॅक कव्हर किंवा स्क्रीन गार्ड लावण्याची गरज नाही.
Nokia XR20 5G चे स्पेसिफिकेशन्स
Nokia XR20 मध्ये 6.67-इंचाचा फुल एचडी+ डिस्प्ले 1080×2400 पिक्सल रिजोल्यूशनसह देण्यात आला आहे. हा डिस्प्ले Gorilla Glass Victus च्या सुरक्षेसह येतो. पंच होल कॅमेरा असेलेल्या नोकिया XR20 मध्ये Qualcomm Snapdragon 480 चिपसेट आणि Android 11 वर चालतो. हा फोन 6GB रॅम आणि 128GB स्टोरेजसह सादर करण्यात आला आहे. HMD Global या स्मार्टफोनमध्ये 3 वर्ष OS अपडेट आणि 4 वर्ष मासिक सेफ्टी अपडेट देणार आहे.
फोटोग्राफीसाठी Nokia XR20 मध्ये कंपनीने ड्युअल रियर कॅमेरा दिला आहे. यात 48 मेगापिक्सलचा मुख्य कॅमेरा आणि 13 मेगापिक्सलचा अल्ट्रा वाईड अँगल सेन्सर मिळतो. सेल्फी आणि व्हिडीओ कॉलिंगसाठी फोनमध्ये 8 मेगापिक्सलचा कॅमेरा आहे. कनेक्टिविटीसाठी या नोकिया स्मार्टफोनमध्ये USB Type-C पोर्ट, 3.5mm जॅक आणि ब्लूटूथ 5.1 आहे. या फोनमधील 4630mAh ची बॅटरी 18W वायर्ड फास्ट चार्जिंग आणि 15W वायरलेस चार्जिंगला सपोर्ट करते.