नवी दिल्ली - गुगल हे अत्यंत लोकप्रिय सर्च इंजिन असून यावर लोक अनेक गोष्टी सर्च करत असतात. राजकारण, अर्थकारण, मनोरंजन, क्रीडा, बातम्या, फोटो यासह अनेक गोष्टीची संपूर्ण माहिती गुगलच्या एका क्लिकवर अगदी सहज मिळते. 2019 या वर्षात भारतीयांनी देखील अनेक गोष्टी सर्च केल्या आहेत. तसेच सरत्या वर्षात गुगलवर आपल्या आसपास घडलेल्या अनेक घटनांसंदर्भातील प्रश्नांची उत्तरे शोधण्याचा प्रयत्न केला आहे.
गुगलने 2019 या वर्षात सर्वाधिक सर्च केलेल्या गोष्टींची एक लिस्ट जारी केली आहे. यामध्ये Lok Sabha Elections, Chandrayaan 2 आणि Article 370 या गोष्टी सर्वाधिक सर्च करण्यात आल्या असून आणखी काही गोष्टींचा देखील समावेश आहे. यासोबतच कबीर सिंग आणि अवेंजर्स एंडगेम सारखे काही चित्रपटही मोठ्या प्रमाणात सर्च करण्यात आले आहेत.
सर्वाधिक सर्च करण्यात आलेले विषय (Topic)
भारतात 2019 मध्ये Cricket World Cup हे सर्वाधिक सर्च करण्यात आलं आहे. त्यानंतर Lok Sabha Elections, Chandrayaan 2, Kabir Singh, Avengers: Endgame आणि Article 370 हे विषय सर्च करण्यात आले आहेत.
सर्वाधिक सर्च करण्यात आलेल्या बातम्या (News)
Lok Sabha election results सर्वाधिक सर्च करण्यात आलं असून Chandrayaan 2, Article 370, PM Kisan Yojana आणि Maharashtra assembly elections देखील सर्च करण्यात आलं आहे.
सर्वाधिक सर्च करण्यात आलेल्या व्यक्ती (Personalities)
एखाद्या व्यक्तीने उल्लेखनीय कामगिरी केली की लगेचच त्याच्याविषयी गुगलवर सर्च केलं जातं. विंग कमांडर Abhinandan Varthaman यांना सर्वाधिक सर्च केलं गेलं आहे. तसेच Lata Mangeshkar, Yuvraj Singh, Anand Kumar आणि Vicky Kaushal या व्यक्तींचा समावेशही गुगल सर्चमध्ये आहे.
सर्वाधिक सर्च करण्यात आलेले खेळ (Sports Events)
गुगल 2019 मध्ये क्रिकेट वर्ल्ड कप, प्रो कबड्डी लीग, विंबलडन, कोपा अमेरिका आणि ऑस्ट्रेलियन ओपन यांचा समावेश हे सर्च करण्यात आलेल्या टॉप स्पोर्ट्स इव्हेंटमध्ये आहे.
सर्वाधिक सर्च करण्यात आलेलं What is...
नेमकं काय आहे हे समजण्यासाठी अनेक जण गुगलचा आधार घेत असतात. What is Article 370, What is exit poll, What is a black hole, What is howdy Modi आणि What is e-cigarette या गोष्टी 2019 या वर्षात सर्वाधिक सर्च करण्यात आल्या आहेत.