Jio चा धडाका! प्रीपेड यूजर्सना मोफत मिळणार ₹35,100 किमतीचा Google AI Pro प्लॅन

एअरटेलनंतर आता जिओने आपल्या यूजर्ससाठी मोफत AI प्लॅन आणला आहे.

रिलायन्स जिओने आपल्या प्रीपेड यूजर्ससाठी एक मोठी घोषणा केली आहे. कंपनीने Google सोबत भागीदारी केली असून, ₹35,100 किमतीचा ‘Google AI Pro’ प्लॅन आपल्या ग्राहकांना 18 महिन्यांसाठी मोफत देणार आहे.

हा लाभ Jio च्या Unlimited 5G प्लॅन वापरणाऱ्यांना मिळणार असून, सुरुवातीला ही सुविधा 18 ते 25 वर्षांच्या वयोगटातील युवकांसाठीच उपलब्ध असेल. कंपनी पुढच्या टप्प्यात इतर सर्व प्रीपेड यूजर्सपर्यंतही हा प्लॅन विस्तारण्याचा विचार करत आहे.

Airtel नंतर आता Jio चे मोठे पाऊल

Airtel ने काही दिवसांपूर्वी आपल्या प्रीपेड यूजर्सना एक वर्षासाठी Perplexity Pro AI प्लॅन मोफत देण्याची घोषणा केली होती. त्यानंतर आता Jio ने Google सोबत भागीदारी करत आपल्या यूजर्सना आणखी मोठा फायदा दिला आहे.

या फ्री प्लॅनमध्ये काय मिळणार?

Google Gemini 2.5 Pro AI चा पूर्ण ऍक्सेस

Nano Banana आणि Veo 3.1 या अत्याधुनिक मॉडेल्सद्वारे फोटो आणि व्हिडिओ जनरेशनची सुविधा

Google NotebookLM - गूगलचे रिसर्च टूल, जे कंटेंट जनरेशन आणि डेटा विश्लेषणासाठी वापरले जाते

2TB Google Cloud Storage - Google Photos, Gmail, Drive आणि WhatsApp बॅकअपसाठी वापरता येईल

Google AI Pro प्लॅन कसा अॅक्टिव्हेट करावा?

Jio युजर्स हा फ्री AI प्लॅन सहजपणे अॅक्टिव्हेट करू शकतात:

MyJio अॅप उघडा.

होम स्क्रीनवर “Google Gemini Free Access” असा बॅनर दिसेल.

त्या बॅनरवर क्लिक करून आपलं रजिस्ट्रेशन पूर्ण करा.

यानंतर यूजरला Google AI Pro प्लॅनचा अॅक्सेस आपोआप मिळेल.

AI स्पर्धेत OpenAI ची एन्ट्री

OpenAI ने नुकतीच घोषणा केली आहे की, कंपनी 4 नोव्हेंबरपासून सर्व यूजर्सना “ChatGPT Go” चा फ्री अॅक्सेस देणार आहे. त्यामुळे Google आणि OpenAI या दोन्ही टेक दिग्गजांमध्ये आता AI ऍक्सेस स्पर्धा अधिक रंगतदार होण्याची शक्यता आहे.