Flipkart वर आजपासून ‘बिग सेव्हिंग डेज’ सेल सुरु झाला आहे. या सेलमध्ये अनेक प्रोडक्टस स्वस्तात विकले जात आहेत. विशेष म्हणजे सेलमध्ये अ‍ॅप्पलचा एक लेटेस्ट फ्लॅगशिप आयफोन वनप्लस 10 प्रो पेक्षाही स्वस्तात विकला जात आहेत. फ्लिपकार्टवरील सेलमध्ये iPhone 13 Mini स्मार्टफोन 50,000 रुपयांपेक्षा कमी किंमतीत विकला जात आहे.
iPhone 13 Mini वरील ऑफर
iPhone 13 Mini च्या 128GB व्हेरिएंटची मूळ किंमत 69,900 रुपये आहे. परंतु फ्लिपकार्ट बिग सेव्हिंग डेज सेलमध्ये हा फोन 64,999 रुपयांमध्ये लिस्ट करण्यात आला आहे. तसेच जर तुम्ही हा फोन ICICI बँकेच्या क्रेडिट कार्डचा वापर करून विकत घेतला तर तुम्हाला 2 हजार रुपयांचा इन्स्टंट डिस्काऊंट दिला जात आहे.
बँक ऑफरनंतर iPhone 13 Mini ची किंमत 62,999 रुपये होईल. परंतु सर्वाधिक बचत ही नेहमी एक्सचेंज ऑफर द्वारे होते. फ्लिपकार्टनं देखील या मॉडेलवर 16,000 रुपयांपर्यंतची सवलत मिळवण्याची संधी दिली आहे. योग्य कंपनी आणि मॉडेल असलेला जुना फोन दिल्यास नवीन iPhone 13 Mini तुम्ही 46,999 रुपयांमध्ये विकत घेऊ शकता.
iPhone 13 Mini चे स्पेसिफिकेशन्स
iPhone 13 Mini मध्ये 5.4 इंचाचा सुपर रेटिना डिस्प्ले देण्यात आला आहे. फोटोग्राफीसाठी या फोनमध्ये ड्युअल रियर कॅमेरा सेटअप देण्यात आला आहे. ज्यात 12MP चे दोन सेन्सर आहेत. सेल्फी आणि व्हिडीओ कॉलिंगसाठी या फोनमध्ये 12MP चा फ्रंट कॅमेरा देखील देण्यात आला आहे. यात प्रोसेसिंगसाठी कंपनीची A15 बायोनिक चिप देण्यात आली आहे.