Apple चा बहुप्रतिक्षीत आयफोन १४ अखेर काल लॉन्च झाला. आयफोन-१४ ची सुरुवातीची किंमत 79,990 रुपये इतकी जाहीर करण्यात आली आहे. नवीन iPhones लाँच होताच कंपनीकडून जुन्या फोनच्या किमतीतही कपात करण्यात आली आहे. तसंच iPhone 11 चं उत्पादन बंद केलं आहे. भारतात iPhone 13 आणि iPhone 12 च्या किमतीत घट झाली आहे.
आयफोन-१४ भारतात आयफोन-१३ च्याच किमतीत बाजारात दाखल करण्यात आला आहे. आता iPhone 13 हा एक वर्ष जुना स्मार्टफोन असल्यानं Apple ने या उपकरणाची किंमत कमी केली आहे. iPhone 13 ची किंमत आता 128GB स्टोरेज मॉडेलसाठी 69,990 रुपये इतकी असणार आहे. इतकंच नव्हे, तर या फोनवर Flipkart Big Billion Days सेल आणि Amazon ग्रेट इंडियन फेस्टिव्हल सेल इव्हेंट दरम्यान मोठी सवलत मिळवता येऊ शकते. दोन्ही सेल इव्हेंट्स पुढील आठवड्यात सुरू होणार आहेत.
Apple iphone 14: काय बॅटरी, काय तो कॅमेरा, काय ते eSIM अन् किंमतही एकदम OK!
iPhone 13 ची मूळ किंमत 79,990 रुपये आहे, म्हणजेच ग्राहकांना 10,000 रुपयांची सूट मिळत आहे. Apple च्या ऑनलाइन वेबसाइटवर 58,730 रुपयांपर्यंतची एक्सचेंज ऑफर आहे, जी इतर काही iPhones वर देखील उपलब्ध आहे. एक्सचेंजची रक्कम फोनची स्थिती आणि वापराच्या आधारावर मोजली जाते. दुसरीकडे, फ्लिपकार्ट तुमच्या जुन्या फोनच्या एक्सचेंजवर 17,000 रुपयांपर्यंत सूट देत आहे.
iPhone 12 च्या किंमतीतही भारतात कपात झाली आहे आणि या डिव्हाइसची किंमत आता 59,990 रुपयांपासून सुरू होत आहे. Amazon वर 64GB iPhone 12 फक्त 52,999 रुपयांना विकत घेता येणार आहे. Amazon वर ग्राहकांना 10,950 रुपयांपर्यंतची एक्सचेंज ऑफर मिळेल. iPhone 12 mini ची किंमत 55,999 रुपये इतकी असेल.
तुफान! Apple नं लॅान्च केलं Ultra Watch; वादळ असो वा हाडं गोठवणारी थंडी ‘रुकेगा नै’
या वर्षी, Apple ने आयफोन-१४ चं मिनी व्हर्जन लॉन्च केलेलं नाही आणि नवीन iPhone 14 Plus मॉडेल सादर केला आहे. Apple ने खूप पूर्वी प्लस मॉडेल्सची विक्री थांबवली होती आणि ती परत आणून सर्वांना आश्चर्यचकित केलं आहे.