परी म्हणू की सुंदरा... Gemini Prompt ने 'असा' करा ९० च्या दशकातील 'रेट्रो साडी लूक'

तरुणींना नव्या ट्रेंडने भूरळ घातली आहे. सॉफ्ट लायटिंग आणि सुंदर साडीतल्या मुलींचे फोटो सर्वांचच लक्ष वेधून घेत आहेत.

इंटरनेटवर कधी काय व्हायरल होईल हे सांगणं खूप कठीण आहे. काही दिवसांपूर्वी घिबली स्टाईलचे फोटो इंटरनेटवर व्हायरल झाले होते, त्यानंतर आता लोक त्यांचे ३डी रिएलिस्टिक मॉडेल्स इन्स्टाग्रामवर शेअर करत आहेत. हा ट्रेंड अजून संपला नव्हता तोच सोशल मीडियावर आणखी एक नवीन ट्रेंड तुफान व्हायरल झाला. आता विंटेज साडी आणि ओल्ड स्कूल सिनेमाच्या व्हाइब्ससह नवीन साडी लूक खूप ट्रेंडिंग आहे. या ट्रेंडमध्ये लोक गुगलच्या मदतीने त्यांचे साधे फोटो पोर्ट्रेटमध्ये बदलत आहेत जे क्लासिक चित्रपटातील सीनसारखे दिसतात.

इन्स्टाग्रामवर सर्वच जण हा ट्रेंड फॉलो करत आहेत. सोशल मीडिया उघडताच हेच फोटो सर्वप्रथम दिसतात. तरुणींना नव्या ट्रेंडने भूरळ घातली आहे. सॉफ्ट लायटिंग आणि सुंदर साडीतल्या मुलींचे फोटो सर्वांचच लक्ष वेधून घेत आहेत. यामध्ये ९० च्या दशकातील चित्रपटांचा गोल्डन एरा आणि पिंटरेस्ट स्टाईलच्या रेट्रो फॅशनची झलक पाहायला मिळत आहे. जर तुम्हालाही या लेटेस्ट ट्रेंडमध्ये सामील व्हायचं असेल, तर तुम्ही खाली दिलेल्या स्टेप्स फॉलो करून तुमचा विंटेज साडीतील फोटो  तयार करू शकता...

विंटेज साडीमधला फोटो कसा तयार करायचा?

- सर्वप्रथम Gemini App डाउनलोड करा.

- आता तुमच्या गुगल अकाउंटने  लॉग इन करा.

- यानंतर तुम्हाला हवा असलेला फोटो अपलोड करा.

- खाली दिलेला सँपल प्रॉम्प्ट कॉपी-पेस्ट करा.

Create a hyper-realistic 4K portrait of the same young Indian woman as in the reference photo (no face changes). She has long, dark, wavy hair falling over her shoulders with fresh white jasmine flowers tucked behind her right ear. She is wearing a soft, elegant red chiffon saree draped gracefully over one shoulder, revealing a vintage-style blouse underneath. Her expression is gentle and dreamy as she gazes slightly to her right. The background is a plain warm beige wall lit by a golden light from the right side, casting a soft cinematic shadow. The overall atmosphere should feel like a 90s Indian classic film still — artistic, romantic, and timeless.

- तुम्हाला हवं असल्यास, तुम्ही  नवीन प्रॉम्प्ट देखील लिहू शकता.

- यानंतर सेंड बटण दाबा आणि जेमिनी इमेज जनरेट होईपर्यंत वाट पाहा.

- फोटो झाला की तुम्ही तो सहजपणे डाउनलोड करू शकता.