Facebook ने फेशियल रेकग्निशन बंद करण्याचा घेतला मोठा निर्णय; 100 कोटी युजर्सवर होणार परिणाम
By सिद्धेश जाधव | Updated: November 4, 2021 17:24 IST2021-11-04T17:24:09+5:302021-11-04T17:24:23+5:30
Facebook Automatic Face Tagging Feature: Facebook ने ऑटोमॅटिक फेस टॅगिंग फीचर बंद करण्याचा निर्णय घेतला आहे. त्यामुळे फोटोमधील व्यक्ती ओळखून टॅग करण्याचा पर्याय आता मिळणार नाही.
Facebook ने फेशियल रेकग्निशन बंद करण्याचा घेतला मोठा निर्णय; 100 कोटी युजर्सवर होणार परिणाम
फेसबुकने काही दिवसांपूर्वी आपल्या होल्डिंग कंपनीचे नाव फेसबुकवरून ‘मेटा’ असे ठेवले होते. तेव्हापासून कंपनीची दिशा बदलत असल्याचे दिसत आहे. कंपनी स्मार्ट ग्लासेस आणि स्मार्टवॉच देखील लाँच करणार आहे. तर आता Facebook ने आपले जुने ऑटोमॅटिक फेस टॅगिंग फीचर बंद करण्याचा निर्णय घेतला आहे.
या फिचरसाठी फेशियल रेकग्निशनचा वापर करून अपलोड केलेल्या फोटो मधील व्यक्तींचे फेसबुक अकॉउंट शोधले जाते. त्यामुळे त्या फोटोमध्ये त्या व्यक्तीला टॅग करणे सोप्पे होते. हे फीचर बंद झाल्यावर युजरला अकॉउंटमधून ऑटो फेस टॅगिंगचा ऑप्शन निवडता येणार नाही. फोटोमधील मित्रांना टॅग करण्यासाठी युजरला आता मॅन्युअली टॅगिंग करावी लागेल.
100 कोटी लोकांचा डेटा होणार डिलीट
इतकेच नव्हे तर, फेसबुकने आपल्या डेटाबेसमधून 100 कोटी लोकांच्या चेहऱ्यांचा डेटा देखील डिलीट करेल. कंपनीने या फिचरचा सकारात्मक वापर करण्याचा निर्णय घेतला आहे. सध्या सोशल मीडिया प्लॅटफॉर्म्सवर विशेष नजर ठेवली जात आहे आणि रेग्युलेटर यासाठी नियम देखील ठरवणार आहेत. फेसबुकचा हा बदल आतापर्यंतच्या सर्वात मोठा बदल म्हणता येईल.
Facebook वरील एक तृतीयांश पेक्षा जास्त सक्रिय युजर्स या ऑटोमॅटिक फेस रेकग्निशन फीचरचा वापर करतात. हे फीचर बंद केल्यामुळे 100 कोटी फेसबुक युजर्सच्या चेहऱ्यांची ओळख डिलीट केली जाईल. गेल्या काही दिवसांपासून युजर्सना फोटोमध्ये मॅन्युअली टॅग करावे लागत आहे. या फिचरमुळे नेत्रहीन लोक फोटोमधील लोकांची माहिती ऑटोमॅटिक ऑल्ट टेक्स्ट सारख्या फिचरमधून मिळवत होते. परंतु आता या फीचरमध्ये लोकांची नावे येणार नाहीत.
