Truecaller ची जागा BSNL घेणार! 'ही' नवीन सेवा पुढील ३-४ महिन्यांत सुरू होणार

सरकारी मालकीची दूरसंरचार कंपनी बीएसएनएल आता काही दिवसातच सीएनएपी ही सेवा सुरू करणार आहे. सीएनएपी हे ट्रू-कॉलरपेक्षा वेगळे असणार आहे.

सध्या सगळ्यांच्या मोबाईलमध्ये ट्रू-कॉलर हे अॅप आहे. या अॅपमुळे आपल्याला मोबाईल नंबर कोणाचा आहे याची माहिती मिळते. या हे अॅप वारण्याची गरज नाही, यासाठी सरकारी दूरसंचार कंपनी बीएसएनएल सीएनएपी आणणार आहे. रिलायन्स जिओ, भारती एअरटेल आणि व्होडाफोन आयडिया या कंपन्या आधीच सीएनएपी यावर काम करत आहे. बीएसएनएलसाठी आधीच डिप्लॉय केले आहे. ते आता झोन-निहाय इंटीग्रेशन सुरू आहे.

Samsung Galaxy S24: थेट अर्ध्या किंमतीत खरेदी करा सॅमसंग गॅलेक्सी एस २४; कुठं मिळतोय इतका स्वस्त?

इंटीग्रेशनला अजूनही वेळ लागणार आहे. इंटीग्रेशननंतर तीन ते चार महिन्यांत बीएसएनएलसाठी सीएनएपीची अंमलबजावणी पूर्ण होईल. एकदा सीएनएपी सेवा सुरू झाल्यावर, कॉलरचा नंबर त्यांच्या फोनमध्ये सेव्ह केलेला नसला तरीही, ग्राहकांना त्यांना कोण कॉल करत आहे हे पाहता येणार आहे. याची अंमलबजावणी खाजगी दूरसंचार कंपन्यांनी यापूर्वीच केली आहे.

स्पॅम कॉलवर यामुळे आळा बसू शकतो

ट्रूकॉलरसह तृतीय-पक्ष ॲप्लिकेशन्स आधीपासूनच क्राउडसोर्स्ड डेटावर आधारित सेवा पुरवतात, पण हा डेटा कधीकधी चुकीचा असू शकतो. स्पॅम संदेश आणि फसवणुकीच्या वाढत्या घटनांना प्रतिसाद म्हणून CNAP सुरू करण्याचा निर्णय घेण्यात आला. स्पॅम आणि फसवणुकीमुळे डिजिटल अटक आणि इतर तत्सम घटनांमुळे आर्थिक नुकसानही झाले आहे.