सावधान! मोबाईलच्या USB पोर्टमध्ये 'या' गोष्टी लावाल, तर खिसा होईल रिकामा; फोनही पडेल कायमचा बंद!

ज्या मोबाईलला आपण जीवापाड जपतो, त्याच्या एका छोट्याशा छिद्राकडे म्हणजेच 'युएसबी पोर्ट'कडे आपण नेहमीच दुर्लक्ष करतो.

आजच्या काळात स्मार्टफोन हा आपल्या शरीराचाच एक भाग झाला आहे. पण, ज्या मोबाईलला आपण जीवापाड जपतो, त्याच्या एका छोट्याशा छिद्राकडे म्हणजेच 'युएसबी पोर्ट'कडे आपण नेहमीच दुर्लक्ष करतो. हे पोर्ट फक्त चार्जिंगसाठी नसून ते डेटा ट्रान्सफर आणि बॅटरीच्या आरोग्यासाठी अत्यंत महत्त्वाचे असते. जर तुम्ही या पोर्टमध्ये कोणतीही बनावट किंवा स्वस्त वस्तू घुसवली, तर तुमचा हजारो रुपयांचा फोन क्षणात भंगार होऊ शकतो.

१. बनावट फास्ट चार्जर: स्वस्त पडेल महागात

अनेकांना सवय असते की, ओरिजनल चार्जर खराब झाला की बाजारातून १००-२०० रुपयांचा कोणताही चार्जर विकत आणतात. हे बनावट फास्ट चार्जर तुमच्या फोनची बॅटरी फुगवू शकतात किंवा फोनचे मदरबोर्ड जाळू शकतात. ओरिजनल चार्जर ६०-७० मिनिटांत फोन चार्ज करतो, तर बनावट चार्जर केवळ गरम करतो, ज्यामुळे चार्जिंग सर्किट कायमचे निकामी होऊ शकते.

२. नकली चार्जिंग केबल: ओव्हरहीटिंगचा धोका

चार्जरप्रमाणेच केबलची गुणवत्ताही महत्त्वाची असते. स्वस्त केबल विजेचा प्रवाह नियंत्रित करू शकत नाहीत. यामुळे फोन चार्ज होताना प्रचंड गरम होतो. अशा केबलमुळे फोनमध्ये शॉर्ट सर्किट होण्याची भीती असते.

३. सार्वजनिक चार्जिंग स्टेशन्स: ज्युस जॅकिंगचा सापळा

रेल्वे स्टेशन, एअरपोर्ट किंवा कॅफेमध्ये मोफत चार्जिंग पाहून आपण लगेच फोन लावतो. पण सावधान! याला 'ज्युस जॅकिंग' म्हणतात. हॅकर्स या केबल्समध्ये मालवेअर बसवतात. जशी तुम्ही केबल लावता, तसा तुमच्या फोनमधील खासगी डेटा, फोटो आणि बँकिंग माहिती चोरीला जाऊ शकते. त्यामुळे सार्वजनिक ठिकाणी नेहमी स्वतःचे चार्जर आणि पॉवर बँक वापरा.

४. अनसर्टिफाईड ॲक्सेसरीज: फॅन आणि लाईट्सचा नाद नको

सध्या ऑनलाईन मार्केटमध्ये मोबाईलच्या पोर्टमध्ये लागणारे छोटे पंखे, एलईडी लाईट्स किंवा मिनी व्हॅक्यूम क्लीनरची क्रेझ आहे. या वस्तू दिसायला आकर्षक आणि स्वस्त असल्या तरी त्या फोनच्या बॅटरीवर प्रचंड ताण देतात. या अनसर्टिफाईड वस्तूंमुळे निर्माण होणारी उष्णता तुमच्या फोनचे चार्जिंग पोर्ट कायमचे खराब करू शकते.

तुमचा मोबाईल कितीही महागडा असला, तरी त्याचे आयुष्य हे तुम्ही त्याला कशा प्रकारे चार्ज करता यावर अवलंबून असते. केवळ काही रुपये वाचवण्यासाठी बनावट उपकरणे वापरू नका, अन्यथा मोबाईल दुरुस्तीसाठी तुम्हाला हजारो रुपये मोजावे लागतील.