आसुसने भारतात आपले चार नवीन लॅपटॉप लाँच केले आहेत. हे लॅपटॉप Asus Chromebook Flip C214, Chromebook C423, Chromebook C523 आणि Chromebook C223 नावाने बाजारात दाखल झाले आहेत. Chrome OS सह येणारे हे चारही लॅपटॉप फ्लिपकार्टवरून विकत घेता येतील. चला जाणून घेऊया या लॅपटॉपचे स्पेक्स आणि किंमत. (ASUS Unveils New Chromebooks In India)
Asus Chromebook सीरिज लॅपटॉप्सची किंमत
भारतात Asus Chromebook Flip C214 लॅपटॉप 23,999 रुपयांमध्ये लाँच केला गेला आहे. Asus Chromebook C423 ची किंमत 19,999 रुपये आहे आणि तसेच या लॅपटॉपचा टच व्हेरिएंट 23,999 रुपयांमध्ये विकत घेता येईल. Asus Chromebook C523 ची किंमत 20,999 रुपये आणि या लॅपटॉपच्या टच मॉडेलची किंमत 24,999 रुपये आहे. Asus Chromebook C223 लॅपटॉप 17,999 रुपये किंमतीसह सीरिजमधील सर्वात स्वस्त लॅपटॉप आहे. हे आसूस क्रोमबुक 22 जुलैपासून फ्लिपकार्टवरून विकत घेता येतील.
Asus Chromebook Flip C214 चे स्पेसिफिकेशन
Asus Chromebook Flip C214 मध्ये 11.6-इंचाचा एचडी अँटी ग्लेयर डिस्प्ले देण्यात आला आहे. यात इंटेल ड्युअल कोर Celeron N4020 प्रोसेसर आणि इंटेल UHD ग्राफिक्स 600 देण्यात आला आहे. या लॅपटॉपमध्ये 4GB LPDDR4 रॅम आणि 64GB eMMC स्टोरेज मिळते. ही स्टोरेज मेमोरी कार्डच्या मदतीने 2TB पर्यंत वाढवता येते. कनेक्टिविटीसाठी या क्रोमबुकमध्ये एक USB 3.2 Gen 1 टाईप-ए, दोन USB 3.2 Gen 2 टाईप-सी, 3.5mm जॅक आणि एक माइक्रोएसडी कार्ड रीडर देण्यात आला आहे. यातील 50Whr ची बॅटरी 11 तासांचा बॅकअप देऊ शकते.
Asus Chromebook C423 चे स्पेसिफिकेशन
Asus Chromebook C423 मध्ये 14-इंचाचा एचडी डिस्प्ले देण्यात आला आहे. यात इंटेल Celeron N3350 प्रोसेसर आणि इंटेल ग्राफिक्स 500 मिळतो. हा क्रोमबुक 4GB रॅम आणि 64GB स्टोरेजसह सादर करण्यात आला आहे. ही स्टोरेज 256GB पर्यंत वाढवता येते. या आसूस लॅपटॉपमध्ये दोन USB 3.2 Gen 1 टाईप-ए, दोन USB 3.2 Gen 1 टाईप-सी, 3.5mm ऑडियो जॅक आणि माइक्रोएसडी कार्ड रीडर, असे कनेक्टिव्हिटी ऑप्शन मिळतात. यात 38Whr ची बॅटरी देण्यात आली आहे.
Asus Chromebook C523 चे स्पेसिफिकेशन
Chromebook C523 मध्ये 15.6-इंचाचा एचडी डिस्प्ले देण्यात आला आहे. हा इंटेल Celeron N3350 ड्युअल कोर प्रोसेसर आणि इंटेल एचडी ग्राफिक्स 500 वर चालतो. सोबत 4GB रॅम आणि 64GB ची स्टोरेज मिळते. ही स्टोरेज 2TB पर्यंत वाढवता येईल. कनेक्टिव्हिटीसाठी या लॅपटॉपमध्ये दोन USB 3.2 Gen 1 टाईप-ए, दोन USB 3.2 Gen 1 टाईप-सी, 3.5mm ऑडियो जॅक आणि माइक्रोएसडी कार्ड रीडर असे ऑप्शन देण्यात आले आहेत. यात 38Whr ची बॅटरी देण्यात आली आहे.
Asus Chromebook C223 चे स्पेसिफिकेशन
Asus Chromebook C223 मध्ये 11.6-इंचाचा एचडी डिस्प्ले मिळतो. यात इंटेल Celeron N3350 ड्युअल कोर प्रोसेसर आणि इंटेल एचडी ग्राफिक्स 500 देण्यात आला आहे. हा लॅपटॉप 4GB रॅम आणि 32GB स्टोरेजसह बाजारात आला आहे. ही स्टोरेज 2TB पर्यंत वाढवता येते. यात दोन USB 3.2 Gen 1 टाईप-ए, दोन USB 3.2 Gen 1 टाईप-सी, 3.5mm ऑडियो जॅक आणि माइक्रोएसडी कार्ड रीडर असे कनेक्टिव्हिटी ऑप्शन देण्यात आले आहेत. यात 38Whr ची बॅटरी आहे.