तंत्रज्ञानाचा नवा चमत्कार! ChatGPT वापरून तयार केली कॅन्सरची लस? श्वानाला मिळाले नवे जीवन

एका ऑस्ट्रेलियन टेक तज्ञाने त्यांच्या कुत्र्याच्या कर्करोगासाठी वैयक्तिकृत mRNA लस तयार करण्यासाठी ChatGPT आणि AlphaFold चा वापर केला. या लसीच्या उपचारानंतर कुत्र्याचा ट्यूमर निम्म्याने कमी झाला.

आर्टिफिशियल इंटेलिजेंसची सध्या जगभरात चर्चा सुरू आहे. एआयचा वापर करून कुत्र्‍याचा कॅन्सर बरा केल्याची माहिती समोर आली आहे. एका ऑस्ट्रेलियन तंत्रज्ञान तज्ञाने एआय टूल्स वापरून त्यांच्या कुत्र्याच्या कर्करोगावर उपचार शोधला आहे. चॅटजीपीटी आणि अल्फाफोल्ड सारख्या प्रगत एआय टूल्सचा वापर करून, त्यांनी त्यांच्या कुत्र्याच्या उपचारासाठी एक वैयक्तिकृत लस विकसित केली, यामुळे त्यांच्या कुत्र्याच्या ट्यूमरचा आकार निम्म्याने कमी झाला. 

नेतन्याहूंना जिवंत दाखविण्यासाठी जो व्हिडीओ इस्रायलने जारी केला, तो ही निघाला डीपफेक...; Grok म्हणतोय...

ऑस्ट्रेलियन टेक प्रोफेशनल पॉल कनिंगहॅम यांनी त्यांच्या पाळीव कुत्र्याच्या रोझच्या कर्करोगाच्या उपचारांवर उपाय शोधण्यासाठी एआयचा वापर करण्याचा निर्णय घेतला. त्यावेळी त्यांच्या श्वानाकडे कमी दिवस असल्याचे डॉक्टरांनी सांगितले होते.  त्यांनी कुत्र्याच्या कर्करोगासाठी वैयक्तिकृत mRNA लस विकसित करण्याचे ठरवले. यासाठी ChatGPT चा वापर केला. त्यानंतर त्यांनी जीनोमिक डेटा आणि वैद्यकीय संशोधन वापरून लस विकसित करण्याची प्रक्रिया सुरू केली.

डीएनए सिक्वेन्सिंगमुळे बरा होण्याचे संकेत मिळतात

पॉलने कुत्र्याच्या ट्यूमरचा नमुना घेतला आणि त्याचे डीएनए सिक्वेन्सिंग केले. त्याने यूएनएसडब्ल्यू रामासिओटी सेंटर फॉर जीनोमिक्सशी संपर्क साधला. डीएनए डेटा मिळाल्यानंतर, त्याने विविध अल्गोरिदम आणि डेटा पाइपलाइनद्वारे त्यावर प्रक्रिया केली. यामुळे कर्करोगासाठी जबाबदार असलेल्या उत्परिवर्तनांची ओळख पटली. या माहितीच्या आधारे, त्याने वैयक्तिकृत एमआरएनए लसीसाठी एक ब्लूप्रिंट विकसित केली.

गेल्या वर्षी ख्रिसमसच्या सुमारास कुत्र्यावर उपचार सुरू करण्यात आला,  काही दिवसांनी ट्यूमरचा आकार जवळजवळ निम्म्याने कमी झाला. लसीसाठी मान्यता मिळवणे ही ती विकसित करण्यापेक्षा अधिक कठीण प्रक्रिया होती. ऑस्ट्रेलियामध्ये औषध चाचणीसाठी परवानगी मिळविण्यासाठी त्याला जवळजवळ तीन महिने दिवसातून दोन तास काम करावे लागले आणि १०० पानांचा कागदपत्र तयार करावी लागली, असेही पॉलने सांगितले.

टेक दिग्गजांनी AI संशोधनावर प्रतिक्रिया दिली

टेक जगतातील अनेक प्रमुख व्यक्तींनी यावर प्रतिक्रिया दिली. ओपनएआयचे ग्रेग ब्रॉकमन यांनी याला AI च्या शक्तिशाली वापराचे उदाहरण म्हटले आहे. 

गुगल डीपमाइंडचे सीईओ डेमिस हसाबिस म्हणाले की, अल्फाफोल्ड सारख्या तंत्रज्ञानामुळे डिजिटल जीवशास्त्राच्या भविष्याची सुरुवात होते.